MNP ၊ မေ ၁၉
မွန်ပြည်နယ်၊ သထုံမြို့နယ်အတွင်းရှိ အခြေခံပညာကျောင်းအသီးသီးတို့မှ ကျောင်အုပ်ကြီးများ စီမံခန့်ခွဲမှု စွမ်းဆောင်ရည်မြင့်မားရေး အလုပ်ရုံဆွေးနွေးပွဲကို ယနေ့ နံနက်မှစတင်ကာ သထုံမြို့၊ သိမ်ကုန်းရပ်ကွက်ရှိ အမှတ်(၄) အခြေခံပညာအထက်တန်းကျောင်း၊ ဉာဏ်ဝေယံခန်းမ၌ ကျင်းပပြုလုပ်သည်။
ဖွင့်ပွဲအခမ်းအနားတွင် မြို့နယ်ပညာရေးမှူး ဒေါ်ခင်အေးမော်က ဆွေးနွေးပွဲပြုလုပ်ရခြင်း၏ ရည်ရွယ်ချက်နှင့် မကြာမီကာလအတွင်း ကျောင်းများပြန်လည် ဖွင့်လှစ်တော့မည်ဖြစ်ရာ ကျောင်းအုပ်ကြီးများအနေဖြင့် ကျောင်းအပ်နှံရေးကိစ္စရပ်များ အဆင်ပြေချောမွေ့စေရေးဆွေးနွေးအမှာစကားပြောကြားပြီး ဦးဆောင်ဆွေးနွေးသူနည်းပြ လေးဦးတို့က အခြေခံပညာ ကျောင်းအုပ်ကြီးများနှင့် ပညာရေးအရာရှိများအတွက် စီမံခန့်ခွဲမှု စွမ်းဆောင်ရည်မြင့်မားရေးဆိုင်ရာများကို ဆွေးနွေးပို့ချခဲ့ကြရာ တက်ရောက်လာကြသည့် ကျောင်းအုပ်ကြီးများက အပြန်အလှန်ဆွေးနွေးခဲ့ကြသည်။
အဆိုပါအလုပ်ရုံဆွေးနွေးပွဲကို နှစ်ရက်ကြာပြုလုပ်သွားမည်ဖြစ်ပြီး သထုံမြို့နယ်အတွင်းရှိ အခြေခံပညာကျောင်းပေါင်း ၁၇၉ ကျောင်းတို့မှ ကျောင်းအုပ်ဆရာကြီး/ဆရာမကြီး ၁၄၅ ဦးတို့ တက်ရောက်ကြလျှက်ရှိကြောင်း သိရသည်။
သတင်း - ကိုကိုဦး
https://t.me/MyanmarNationalPost
No comments:
Post a Comment