MNP - မေ ၂၇
ပဲခူးတိုင်းဒေသကြီး၊ ပဲခူးခရိုင် မြန်မာ့လယ်ယာဖွံ့ဖြိုးရေးဘဏ်ခွဲမှ တောင်သူများ စားဝတ်နေရေး အဆင်ပြေမှုရှိစေရန်အတွက် ရည်ရွယ်၍ စိုက်ပျိုးစရိတ်ချေးငွေများကို တောင်သူများအားနှစ်စဉ် ထုတ်ချေးပေးလျက်ရှိရာ ယမန်နေ့နံနက် ၁၀ နာရီမှစ၍ ၂၀၂၂-၂၀၂၃ ဘဏ္ဍာနှစ် မိုးစပါး စိုက်ပျိုးစရိတ်ချေးငွေများကို အဆိုပါဘဏ်ခွဲ၌ ထုတ်ချေးပေးလျက်ရှိကြောင်း သိရသည်။
ပဲခူးခရိုင်၊ မြန်မာ့လယ်ယာဖွံ့ဖြိုးရေးဘဏ်ခွဲ ခရိုင်မန်နေဂျာ ဦးတင်စိုးမှ တောင်သူများအား မိုးစပါးစိုက်ပျိုးစရိတ်ချေးငွေများကို တစ်ဧကလျှင် ကျပ်တစ်သိန်းခွဲနှုန်းဖြင့် ရပ်ကွက်/ ကျေးရွာအုပ်စု (၉၀)အုပ်စု၊ လူဦးရေ (၈၅၀၀)ဦး၊ ဧက (၄၃၈၆၀)အတွက် ကျပ်သိန်း (၆၅၇၉၀.၀၀) ကို ထုတ်ချေးပေးရန် လျာထားဆောင်ရွက်လျက်ရှိပြီး ယမန်နေ့တွင် ကမ်းမြင့် အုပ်စုရှိ တောင်သူ (၁၄)ဦးအား မိုးစပါးစိုက်ပျိုးဧက (၁၂၇) ဧကအတွက် ချေးငွေ ကျပ်သိန်း (၁၉၀.၅၀)ကို တောင်သူများ၏ စားဝတ်နေရေး အဆင်ပြေမှုရှိစေရန်ရည်ရွယ်၍ ထုတ်ချေးပေးလျက်ရှိကြောင်း သိရသည်။
သတင်း - သက်ဖြိုးကြိုင်
မြန်မာနေရှင်နယ်ပို့စ်
No comments:
Post a Comment