MNP - မေ ၃၁
မန္တလေးတိုင်းဒေသကြီး မြင်းခြံခရိုင် တောင်သာမြို့နယ် အထွေထွေအုပ်ချုပ်ရေးဦးစီးဌာနတွင် တာဝန်ထမ်းဆောင်နေကြသော ဝန်ထမ်းများ၏ သား/သမီးများအား ပညာသင်စရိတ် ထောက်ပံ့ငွေနှင့်ပစ္စည်းများ ပေးအပ်ပွဲအခမ်းအနားကို ယနေ့ နံနက် ၉ နာရီအချိန်က မြို့နယ် အထွေထွေအုပ်ချုပ်ရေးဦးစီးဌာန ရုံးခန်းမတွင် ကျင်းပခဲ့ကြောင်းသိရသည်။
အဆိုပါ အခမ်းအနားတွင် မြို့နယ်အုပ်ချုပ်ရေးမှူး ဦးဟန်သူရက အဖွင့်အမှာစကား ပြောကြားပြီးနောက် မြို့နယ်အုပ်ချုပ်ရေးမှူး ဦးဟန်သူရ၊ မိသားစုစည်းရုံးရေးနှင့် စည်းကမ်းထိန်းသိမ်းရေးကော်မတီ ဥက္ကဋ္ဌ ဒေါ်ယမင်းတင်၊ ဒုမြို့နယ်အုပ်ချုပ်ရေးမှူး ဦးလှမျိုးနိုင်တို့က တက်ရောက်လာသည့် အထွေထွေအုပ်ချုပ်ရေးဦးစီးဌာနမှ ဝန်ထမ်းများ၏သား/သမီးများအား မူလတန်းအဆင့် တစ်ဦးလျှင် (၅၀၀ဝိ/-) နှုန်း၊ အလယ်တန်းအဆင့် တစ်ဦးလျှင် (၇၀၀ဝိ/-)နှုန်း၊ အထက်တန်းအဆင့်တစ်ဦးလျှင် (၁၀၀၀ဝိ/-)နှုန်း၊ တက္ကသိုလ်အဆင့် တစ်ဦးလျှင် (၂၀၀၀ဝိ/-)နှုန်းနှင့် ကျောပိုးအိတ်(အကြီး)(၃၀)လုံး၊ ကျောပိုးအိတ်(အသေး) (၂၇)လုံး၊ ဘောပင် (၃) ချောင်းပါ (၃၇)ဘူး၊ ကွန်ပါဘူး (၂၉)ဘူး၊ ဗလာစာအုပ်(၆၀)ဒါဇင်အား အသီးသီးပေးအပ်ခဲ့ကြသည်။
ထိုသို့ပေးအပ်ရာ၌ မူလတန်းအဆင့် (၂၈)ဦး၊ အလယ်တန်းအဆင့် (၂၁)ဦး၊ အထက်တန်း အဆင့်(၈)ဦး၊ တက္ကသိုလ်အဆင့်(၈)ဦး စုစုပေါင်း (၆၅)ဦးအတွက် စုစုပေါင်းငွေကျပ် (၁၄၀၂၂၀၀) ထောက်ပံ့ပေးအပ်ခဲ့ကြောင်းသိရသည်။
သတင်း - ကျော်မျိုးနိုင်
မြန်မာနေရှင်နယ်ပို့စ်
No comments:
Post a Comment