MNP - မေ ၃၁
၂၀၂၂-၂၀၂၃ ပညာသင်နှစ် ကျောင်းနေအရွယ်ကလေးငယ်အားလုံး ပညာသင်ယူခွင့်ရရှိဖို့ ကျောင်းအပ်နှံကြပါစို့” ဟူသော ဆောင်ပုဒ်နှင့်အညီ မြို့သစ်မြို့နယ်ရှိ အခြေခံပညာကျောင်းများတွင် ၂၀၂၂-၂၀၂၃ ပညာသင်နှစ်အတွက် ကျောင်းအပ်လက်ခံခြင်းများကို ဆက်လက်ဆောင်ရွက်ပေးလျက်ရှိသည်။
မြို့သစ်မြို့နယ်တွင် အခြေခံပညာကျောင်း (၁၉၃) ကျောင်းရှိပြီး KG တန်းမှ GRADE-11 အထိသက်ဆိုင်ရာ အတန်းများအလိုက် အတန်းပိုင် ဆရာ၊ ဆရာမများက ကျောင်းသား၊ ကျောင်းသူများ ကျောင်းအပ်နှံခြင်းကို လက်ခံဆောင်ရွက်ပေးလျက်ရှိပြီး၊ ကျောင်းသုံးပြဌာန်းစာအုပ်များနှင့် ဗလာစာအုပ်များ၊ ခဲတံနှင့်စာရေးကိရိယာများကို (အခမဲ့) ထုတ်ပေးလျက်ရှိသည်။
မြို့သစ်မြို့နယ်တွင် အခြေခံပညာအထက်တန်းကျောင်း(၁၁)ကျောင်း၊ အထက်တန်းကျောင်းခွဲ(၁၈)ကျောင်း၊ အလယ်တန်းကျောင်း(၃၀)ကျောင်း၊ အလယ်တန်းကျောင်းခွဲ(၂၉)ကျောင်း၊ မူလတန်းကျောင်း(၅၅)ကျောင်း၊ မူလတန်းလွန်ကျောင်း(၄၀)၊ အမကခွဲ(၇)ကျောင်း၊ ဘုန်းတော်ကြီးသင်ကျောင်း(၂)ကျောင်း၊ ကိုယ်ပိုင်ကျောင်း(၁)ကျောင်းတို့၌ မေလ ၂၆ ရက်နေ့မှ ဇွန်လ ၁ ရက်နေ့အထိ ကျောင်းအပ်နှံရေးရက်သတ္တပတ်အဖြစ် ကျောင်းအပ်လက်ခံဆောင်ရွက်ပေးသွားမည်ဖြစ်ပြီး ဇွန်လ ၂ ရက်နေ့မှ စတင်ကာ အခြေခံပညာကျောင်းအားလုံး ဖွင့်လှစ်သင်ကြားပေးနိုင်ရေးအတွက် ကိုဗစ်-၁၉ရောဂါ ကာကွယ်ထိန်းချုပ်ရေးကော်မတီ၏ လမ်းညွှန်ချက်များနှင့်အညီ စီမံဆောင်ရွက်သွားမည်ဖြစ်ကြောင်း မြို့နယ်ပညာရေးမှူးရုံးကသိရသည်။
သတင်း - သန်းဝင်းထွန်း
မြန်မာနေရှင်နယ်ပို့စ်
No comments:
Post a Comment