MNP - မေ ၃၁
စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့နယ်တွင် ကိုဗစ်-၁၉ရောဂါ ကာကွယ်ဆေးရာနှုန်းပြည့် လွှမ်းခြုံနိုင်ရေးအတွက် ကာကွယ်ဆေးထိုးနှံပေးခြင်းကို ယနေ့နံနက် ၇ နာရီက မြို့နယ်ပြည်သူ့ဆေးရုံ၌ ထိုးနှံပေးလျက်ရှိကြောင်း သိရသည်။
ထိုသို့ ကာကွယ်ဆေးထိုးနှံပေးရာတွင် မေလ (၃၀) ရက်နေ့အထိ အသက် ၁၅ နှစ်နှင့် ၁၈ နှစ်အကြား ကျောင်းပြင်ပလူငယ် Second dose (၅၃၀) ဦး၊ အသက် ၁၈ နှစ်အထက်ပြည်သူ Phase-10၊ Second dose (၂၄၀၉) ဦး၊ Phase-11၊ First dose (၃၅၂) ဦးထိုးနှံပြီးဖြစ်ကြောင်း၊ ဆေးထိုးရန်ကျန်ရှိသူများအား ဆက်လက်ထိုးနှံပေးမည်ဖြစ်ကြောင်း သိရသည်။
အဆိုပါ ကာကွယ်ဆေးထိုးနှံပေးခြင်းကို မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်ကျန်းမာရေးဦးစီးဌာနနှင့် တာဝန်ရှိသူများ၊ စေတနာ့ဝန်ထမ်းများ ပူးပေါင်းဆောင်ရွက်ကြောင်း သိရသည်။
သတင်း - မျိုးဝင်းညို
မြန်မာနေရရှင်နယ်ပို့စ်
No comments:
Post a Comment