MNP - မေ ၃၁
ဧရာဝတီတိုင်းဒေသကြီး၊ မြောင်းမြခရိုင်၊ ဝါးခယ်မမြို့နယ်၌ အသက် ၅ နှစ်မှ ၁၂ အတွင်းရှိကျောင်းသား၊ ကျောင်းသူများအားကိုဗစ်ကာကွယ် ဆေးထိုးနှံနိုင်ရေးလုပ်ငန်းညှိနှိုင်းအစည်းအဝေးကို ယနေ့ နံနက် ၁၁ နာရီခွဲအချိန်တွင် ရွှေခယ်သီရိအားကစားခန်းမ၌ ကျင်းပခဲ့ကြောင်းသိရသည်။
အဆိုပါ လုပ်ငန်းညှိနှိုင်းအစည်းအဝေးတွင် ဝါးခယ်မမြို့နယ် စီမံအုပ်ချုပ်ရေးအဖွဲ့ဥက္ကဋ္ဌ ဦးစွမ်းထက်မှ မြို့နယ်အတွင်းရှိ မူလတန်းကျောင်းအုပ်များ၊ ကျေးလက်ကျန်းမာရေးဌာနနှင့်ဌာနခွဲများမှ ဆရာ/မများ၊ ရပ်ကွက်ကျေးရွာအုပ်ချုပ်ရေးမှူးများနှင့်တွေ့ဆုံ၍ အသက်(၅)နှစ်မှ(၁၂)နှစ်အတွင်း ကျောင်းသား/သူများ ကာကွယ်ဆေးထိုးနှံနိုင်ရေး၊ အုပ်ထိမ်းသူမိဘများသဘောတူညီမှုရရှိရေးနှင့် သွေးလွန်တုပ်ကွေးရောဂါကာကွယ်ရန် ဖုံး၊ သွန်၊ လဲ၊ စစ်ဆောင်ရွက်ရန်၊ အဘိတ်ဆေးခတ်ရန်၊ ခြင်ဆေးဖြန်းရန်နှင့် စိုက်ဧကစာရင်းဇယားများမှန်ကန်စေရေးတို့ကို ပြောကြားဆောင်ရွက်ခဲ့ကြောင်းသိရသည်။
ယင်းနောက် ဌာနဆိုင်ရာတာဝန်ရှိသူများမှ စုရပ်အလိုက် အခြေခံပညာကျောင်းများတွင် ကျောင်းသား/ကျောင်းသူ မိဘများနှင့်တွေ့ဆုံ၍ လိုအပ်သောသဘောတူညီချက်များ၊ ကာကွယ်ဆေးထိုးနှံနိုင်ရေးတွင် ပူးပေါင်းပါဝင်ဆောင်ရွက်ရန်အတွက် တွေ့ဆုံဆွေးနွေးညှိနှိုင်းမှုများ ပြုလုပ်ခဲ့ကြောင်းသိရသည်။
သတင်း - ဟိန်းထက်လင်း
မြန်မာနေရှင်နယ်ပို့စ်
No comments:
Post a Comment