MNP ၊ မေ ၂၆
သထုံခရိုင်၊ ဘီးလင်းမြို့နယ်တွင် ယနေ့ မေ ၂၆ ရက် နံနက်ပိုင်းမှစတင်ကာ ၂၀၂၂-၂၀၂၃ ပညာသင်နှစ်အတွက် ကျောင်းသား၊ ကျောင်းသူများ ကျောင်းအပ်နှံခြင်းကိုလက်ခံ လျှက်ရှိကြောင်းသိရသည်။
ဘီးလင်းမြို့နယ်၌ ယခုနှစ်ပညာသင်နှစ်တွင် ဖွင့်လှစ်သင်ကြားမည့်အခြေခံပညာ ကျောင်းပေါင်း ( ၁၆၃ ) ကျောင်းရှိပြီး အဆိုပါကျောင်းများသို့ လာရောက်အပ်နှံကြသည့်ကျောင်းသား၊ကျောင်းသူများကို အခမဲ့ကျောင်းအပ်လက်ခံဆောင်ရွက်ပေးသည့်အပြင် KG တန်းမှ Grade - 5 တန်းထိ ကျောင်းသား၊ ကျေင်းသူတစ်ဦးလျှင် ပုံနှိပ်စာအုပ်တစ်စုံ၊ ဗလာစာအုပ်
၁ ဒါဇင်၊ ခဲတံ ၄ ချောင်းစီကို လည်းကောင်း၊ Grade - 6 မှ Geade - 11 ထိ ကျောင်းသား၊ ကျောင်းသူတစ်ဦးလျှင် ပုံနှိပ်စာအုပ်တစ်စုံ၊ ဗလာစာအုပ် ၁ ဒါဇင်၊ ခဲတံ ၂ ချောင်း၊ ဘောပင် ၂ ချောင်းတို့ကို အခမဲ့ဖြန့်ဝေပေး လျက်ရှိကြောင်း မြို့နယ်ပညာရေးမှူးရုံးမှ သတင်းရရှိသည်။
သတင်း - ထူးနောင် (ဘီးလင်း)
https://t.me/MyanmarNationalPost
No comments:
Post a Comment