MNP ၊ မေ ၂၆
ရခိုင်ပြည်နယ် ၊သံတွဲခရိုင် ၊ငပလီမြို့အတွင်းရှိ ၂၀၂၂-၂၀၂၃ ပညာသင်နှစ် "ကျောင်းနေအရွယ်ကလေးငယ်အားလုံး ပညာသင်ယူခွင့်ရရှိဖို့ ကျောင်းအပ်နှံကြပါစို့" ဆောင်ပုဒ်နှင့်အညီ အခြေခံပညာကျောင်းများတွင် ကျောင်းအပ်လက်ခံခြင်းကို မေလ ၂၆ ရက် နံနက်ပိုင်းမှ စတင်လက်ခံဆောင်ရွက်ပေးလျက်ရှိကြောင်းသိရသည်။
ငပလီမြို့ရှိ အခြေခံပညာကျောင်းများတွင် သက်ဆိုင်ရာအတန်းများအလိုက် ကျောင်းအုပ်ကြီးများနှင့် အတန်းပိုင်ဆရာ ဆရာမများမှ ကျောင်းသား /ကျောင်းသူများ ကျောင်းအပ်နှံခြင်းကို လက်ခံဆောင်ရွက်ပေးလျက်ရှိသည်။
“ကျောင်းနေအရွယ်ကလေးများအားလုံး ပညာသင်ယူခွင့်ရရှိဖို့ ကျောင်းအပ်နှံရေးသီတင်းပတ်ဖြစ်သည့် မေ ၂၆ရက်နေ့မှ ဇွန်လ ၁ ရက်နေ့အထိ ကျောင်းအပ်လက်ခံလျက်ရှိပြီး နိုင်ငံတော်မှ အခမဲ့ဖြန့်ဝေပေးသည့် ပုံနှိပ်စာအုပ်များကိုလည်း ကျောင်းသား၊ သူများအား အခမဲ့ပြန်လည်ဖြန့်ဝေပေးလျက်ရှိကြောင်းသိရသည်။
သတင်း - သန်းနု
https://t.me/MyanmarNationalPost
No comments:
Post a Comment