MNP - မေ ၃၁
ပဲခူးတိုင်းဒေသကြီး၊ ပဲခူးခရိုင်၊ ဒိုက်ဦးမြို့နယ်၊ ပျဉ်းမလွင်ကျေးရွာအုပ်စု၊ ကျောင်းကုန်းကျေးရွာ၊ ဘုန်းတော်ကြီးကျောင်းဓမ္မာရုံ၌ ယမန်နေ့မွန်းလွဲ ၁ နာရီအချိန်က စိုက်ပျိုးရေး၊မွေးမြူရေးနှင့် ကုန်ထုတ်လုပ်မှုဖွံ့ဖြိုးတိုးတက်ရေးနည်းပညာပေး သင်တန်းဆွေးနွေးပွဲကျင်းပ ပြုလုပ်သည်။
အဆိုပါအခမ်းအနားတွင် မြို့နယ်အုပ်ချုပ်ရေးမှူး ဦးဝင်းမြင့် က အဖွင့်အမှာစကားပြောကြားပြီးနောက် လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ မြို့နယ်ဦးစီးမှူး ဦးကျော်စိုးမိုး က နိုင်ငံသားစိစစ်ရေးကတ်ပြားအကြောင်းနှင့် အိမ်ထောင်စုစာရင်းအကြောင်းကို လည်းကောင်း၊ စက်မှုလယ်ယာဦးစီးမှူး ဦးသီဟကျော်စွာ က ဌာနလုပ်ငန်းစဉ်နှင့် ကောက်စိုက်စက်၊ ရိတ်သိမ်းစက်များအကြောင်းကိုလည်းကောင်း၊ မြို့နယ်စားသုံးသူရေးရာဦးစီးဌာန မြို့နယ်တာဝန်ခံ ဦးမျိုးမြင့် က စားသုံးသူကာကွယ်ရေး အသိပညာပေးနှင့် စားသုံးဆီပိုမိုသုံးစွဲမှုကြောင့် ဖြစ်ပေါ်လာသည့် ဘေးထွက်ဆိုးကျိုးများအကြောင်းကို လည်းကောင်း၊ မြို့နယ်ကျေးလက်လမ်း ဦးစီးအရာရှိ ဒေါ်နွယ်နီထွန်း က ဦးစီးဌာန၏ လုပ်ငန်းစဉ်များနှင့် ကျေးလက်လမ်းဖွံ့ဖြိုးရေးအကြောင်းကို လည်းကောင်း၊ စိုက်ပျိုးရေးဦးစီးဌာန ဦးစီးမှူး ဦးသန်းဌေးကျော် က ဆွေးနွေးပွဲကျင်းပရခြင်း၏ ရည်ရွယ်ချက်နှင့် စိုက်ပျိုးရေး၌အဓိကဖြစ်သော မြေ၊ မျိုး၊ ပိုးအကြောင်းများကို လည်းကောင်း အသီးသီးပြောကြားခဲ့သည်။
ထို့နောက် ဆွေးနွေးပွဲသို့ တက်ရောက်လာကြသော တောင်သူကြီးများ၏ သိလိုသည်များကို သက်ဆိုင်ရာတာဝန်ရှိသူများက ရှင်းလင်းပြောကြားကာ ဆွေးနွေးပွဲကို ရုပ်သိမ်းခဲ့ကြောင်း သိရသည်။
မြန်မာနေရှင်နယ်ပို့စ်
No comments:
Post a Comment