MNP ၊ မေ ၂၀
မွန်ပြည်နယ်၊ ပေါင်မြို့နယ်တွင် မေ ၂၀ ရက် နံနက်အစောပိုင်းမှ စတင်ကာ မိုးသည်းထန်စွာရွာသွန်းမှုနှင့် လေပြင်းတိုက်ခတ်မှုကြောင့် နေအိမ်အမိုးလန်ခြင်း၊ သစ်ပင်လဲကျခြင်းများ ဖြစ်ပွားခဲ့ကြောင်း မြို့နယ်မီးသတ်ဦးစီးဌာနမှ သိရသည်။
လေပြင်တိုက်ခတ်မှုကြောင့် ဇင်းကျိုက်ရပ်ကွက်၊ ကော့ထော်ကျေးရွာတို့မှ နေအိမ်(၄)လုံး၏ သွပ်တန်းနှင့် အမိုးများလန်ခြင်းဖြစ်ပွားခဲ့သည့်အပြင် ရန်ကုန်-မော်လမြိုင်အဝေးကားလမ်းမတွင် ကျွန်းပင် (၂)ပင် နှင့် ပိတောက်ပင် (၁)ပင် လဲကျခဲ့ကြောင်း သိရသည်။
ယင်းဖြစ်ပွားရာသို့ မြို့နယ်စီမံကောင်စီဥက္ကဌဦးသိုက်ထွန်းနှင့် တာဝန်ရှိသူများ၊ မြို့နယ်မီးသတ်တပ်ဖွဲ့ဝင်များနှင့်အရန်မီးသတ်တပ်ဖွဲ့ဝင်များ၊ ရဲတပ်ဖွဲ့ဝင်များ၊ လူမှုရေးအသင်းအဖွဲ့များနှင့် ဒေသခံပြည်သူများတို့မှ ဝိုင်းဝန်းခုတ်ထွင်းရှင်းလင်းပေးခဲ့ကြသည်။
အဆိုပါလေပြင်းတိုက်ခတ်မှုကြောင့် လူနှင့်တိရစ္ဆာန်ထိခိုက်မှုမရှိဘဲ စုစုပေါင်းငွေကျပ် (၆၃၀၀၀၀)ကျပ်ခန့်ပျက်စီးဆုံးရှုံးမှုရှိခဲ့ကြောင်း မြို့နယ်မီးသတ်ဦးစီးဌာန၏အချက်အလက်များအရ သိရသည်။
လက်ရှိ ဘေးသင့်အိမ်ထောင်စုလေးစုမှ လူဦးရေ ၁၅ ဦးမှာ နီးစပ်ရာဆွေမျိုးများနေအိမ်သို့ ပြောင်းရွေ့နေထိုင်လျက်ရှိသည်။
သတင်း - မွန်မလေး
https://t.me/MyanmarNationalPost
No comments:
Post a Comment