MNP - မေ ၂၇
ရှမ်းပြည်နယ်၊ ပလောင်ကိုယ်ပိုင်အုပ်ချုပ်ခွင့်ရဒေသ၊ နမ့်ဆန်မြို့နယ်တွင် အသက်(၄၀)အထက် ပြည်သူများအား တတိယအကြိမ် Booster အပိုဆောင်းကာကွယ်ဆေးကို ယမန်နေ့ နံနက်ပိုင်းတွင်ထိုးနှံပေးခြင်းများကို ကျန်းမာရေးဝန်ထမ်းများက ကျေးရွာများအရောက် ကိုဗစ်-၁၉ ရောဂါကာကွယ်ရေး လမ်းညွှန်ချက်များနှင့်အညီ ထိုးနှံပေးခဲ့ကြောင်း သိရသည်။
ထိုသို့ဆောင်ရွက်ရာတွင် တတိယအကြိမ် Booster အပိုဆောင်းကာကွယ်ဆေး လာရောက်ထိုးနှံသူ ကျား(၈၀)ဦး၊ မ(၁၂၆)ဦး စုစုပေါင်း(၂၀၆)ဦးတို့အား နဂါးပျံစက်ရုံစုရပ်တွင် ကျန်းမာရေးဆရာမ သူနာပြု အဆင့်-၁ ဒေါ်ခင်မာကြူနှင့်အဖွဲ့က ကျေးရွာအရောက် ထိုးနှံပေးခဲ့ပါသည်။
ကာကွယ်ဆေးမထိုးမီ အပူချိန်တိုင်းတာခြင်း၊ သွေးပေါင်ချိန်ခြင်းစသည့် ကျန်းမာရေးစစ်ဆေးခြင်းလုပ်ငန်းများ ဆောင်ရွက်ပေးပြီးမှ ကာကွယ်ဆေးထိုးနှံပေးခြင်းဖြစ်ကြောင်း ကာကွယ်ဆေးထိုးပြီးပါကလည်း နာရီဝက်ခန့် စောင့်ကြည့် ဆောင်ရွက်ပေးသွားမည်ဖြစ် ကြောင်း ကျန်းမာရေးဌာနမှ တာဝန်ရှိသူတစ်ဦး၏ ပြောကြားချက်အရ သိရပါသည်။
မြန်မာနေရှင်နယ်ပို့စ်
No comments:
Post a Comment