MNP ၊ မေ ၂၁
ရခိုင်ပြည်နယ်၊ပေါက်တောမြို့၌ အခြေခံပညာအထက်တန်းအဆင့် (GRADE -11)သင်ရိုးသစ် မြို့နယ်အဆင့်(FACE TO FACE) ဆင့်ပွားသင်တန်းဖွင့်ပွဲအခမ်းအနားကို ပေါက်တောမြို့ အခြေခံပညာအထက်တန်းကျောင်း ရွှေဘန်း ခန်းမတွင် ယနေ့နံနက်(၉:၀၀)နာရီကပြုလုပ်သည်။
အဆိုပါအခမ်းအနားတွင် စစ်တွေခရိုင် လက်ထောက်ညွှန်ကြားရေးမှူး ဦးသန်းရွှေ က အဖွင့်အမှာစကားပြောကြားပြီး၊ ပေါက်တောမြို့နယ် ဒုတိယပညာရေးမှူး ဦးအောင်မျိုးသန့်က သင်တန်းဖွင့်လှစ်ရခြင်း၏အကြောင်းအရာများ နှင့် သင်တန်းတက်ရောက်နေစဉ် သင်တန်းဆိုင်ရာစည်းကမ်းချက်များကို ရှင်းလင်းပြောကြားကြသည်။
ယင်းသင်တန်းသို့ သင်တန်းနည်းပြဆရာ/ဆရာမ -၁၂ ဦးတို့ကသင်ကြားပို့ချသွား၍ သင်တန်း တက်ရောက်ကြမည့် ဆရာ/ဆရာမ စုစုပေါင်း (၁၂၆)ဦးတက်ရောက်ကြမည်ဖြစ်ပြီး သင်တန်းကာလမှာ မေလ(၂၁)ရက်နေ့မှ မေလ(၂၃)ရက်နေ့အထိ သင်ကြားပို့ချသွားမည်ဖြစ်ကြောင်း မြို့နယ်ပညာရေးမှူးရုံးမှသိရသည်။
https://t.me/MyanmarNationalPost
No comments:
Post a Comment