MNP ၊ မေ ၂၁
မွန်ပြည်နယ်၊ကျိုက်ထိုမြို့၌ အခြေခံ ပညာအထက်တန်းအဆင့် (GRADE -11)သင်ရိုးသစ် မြို့နယ်အဆင့် ဆင့်ပွား သင်တန်းဖွင့်ပွဲအခမ်းအနားကို ကျိုက်ထို မြို့ အမှတ်(၁) အခြေခံပညာအထက် တန်းကျောင်း ရာပြည့် ခန်းမတွင် မေ၂၁ရက် နံနက် ၉နာရီကဖွင့်လှစ်ခဲ့သည်။
အဆိုပါအခမ်းအနားတွင်သထုံခရိုင် ပညာရေးမှူးရုံးမှဦးစီးအရာရှိဒေါ်စန်းစန်းမိုး က အဖွင့်အမှာစကားပြောကြားပြီး၊ မြို့နယ်ပညာရေးမှူး ဒေါ်သင်းသင်းအိ က ၂၀၂၂-၂၀၂၃ ခုနှစ် ပညာသင်နှစ်တွင် မိမိတို့မြို့နယ်အနေဖြင့် KGတန်းမှစ၍ GRADE 11 ထိ ရာနှုန်းပြည့် အောင်မြင်ရန်သင်ကြား ပေးရမှာဖြစ် သည့်အတွက် သင်တန်းသားသင်တန်းသူများအနေဖြင့်မိမိတို့ လေ့လာသင်ကြားရမည့်ဘာသာရပ်များကိုလေ့လာမှတ်သား သင်ကြားကြရန်မှာကြားခဲ့သည်။
ဆက်လက်၍လက်ထောက်မြို့နယ်ပညာရေးမှူး ဦးကျော်ဇောလင်းက ဘာသာရပ်အလိုက် သင်ကြားရမည့်ဆရာ ၊ ဆရာမများ၏ အခန်းများနှင့်ကျန်းမာရေး ကိစ္စများနှင့်ပတ်သက်၍ဆောင်ရွက်ထားရှိမှုများကိုရှင်းလင်းပြောကြားခဲ့သည်။
အဆိုပါသင်တန်းတွင် နည်းပြ ၁၂ ဦး တို့က မြို့နယ် အတွင်းရှိ အခြေခံပညာ အထက်တန်းအဆင့် ဆရာ/ဆရာမ ၁၆၀ ဦးတို့ကို မြန်မာစာ ၊ အင်္ဂလိပ်စာ ၊ သင်္ချာ ၊ ဓာတုဗေဒ ၊ ရူပဗေဒ ၊ ဇီဝဗေဒ ၊ ဘောဂဗေဒ ၊ ပထဝီ ၊ သမိုင်း ၊ လူမှုရေးသိပ္ပံ နှင့် ကာယ ဘာသာရပ် များအား မေ ၂၁ ရက်နေ့မှ ၂၃ ရက်နေ့အထိ နံနက် ၉ နာရီမှ ညနေ ၄ နာရီအထိ သင်ကြား ပို့ချပေးမည်ဖြစ်ကြောင်း မြို့နယ်ပညာရေးမှူးရုံးမှ သိရသည်။
သတင်း - ဝင်းမောင်(ကျိုက်ထို)
https://t.me/MyanmarNationalPost
No comments:
Post a Comment