MNP ၊ မေ ၁၆
မန္တလေးတိုင်းဒေသကြီး၊ ပြင်ဦးလွင်ခရိုင်၊ စဉ့်ကူးမြို့နယ်တွင် ၂၀၂၂-၂၀၂၃ ပညာသင်နှစ်၊ အခြေခံပညာ အလယ်တန်းဆင့် Grade-8 သင်ရိုးသစ် မြို့နယ်အဆင့် ဆင့်ပွားသင်တန်းဖွင့်ပွဲ အခမ်းအနားကို ယနေ့နံနက် ၉ နာရီ အချိန်က စဉ့်ကူးမြို့နယ်၊ လက်ပံလှကျေးရွာ အခြေခံပညာအထက်တန်းကျောင်း ကျွန်းရွှေဝါခန်းမ ၌ ဖွင့်လှစ်ခဲ့သည်။
မြို့နယ်အဆင့် ဆင့်ပွားသင်တန်း ဖွင့်ပွဲအခမ်းအနားတွင် စဉ့်ကူးမြို့နယ်ပညာရေးမှူး ဒေါ်သန္တာအောင် က Grade-8 သင်ရိုးသစ် ဆင့်ပွားသင်တန်း ဖွင့်လှစ်ရခြင်းနှင့်ပတ်သက်၍ ရှင်းလင်းပြောကြားခဲ့သည်။
အဆိုပါ အခြေခံပညာအလယ်တန်းအဆင့် Grade-8 သင်ရိုးသစ်ဆင့်ပွားသင်တန်းကို ယနေ့ မေလ ၁၆ ရက်နေ့မှ မေလ ၁၈ ရက်နေ့အထိ နေ့စဉ် နံနက် (၉)နာရီမှ ညနေ (၄)နာရီအထိ (၃)ရက်ကြာ ဖွင့်လှစ် သင်ကြားပေးသွားမည်ဖြစ်ကြောင်း၊ အခြေခံပညာရုံးချုပ်မှ ပို့ချသောသင်တန်းကို တက်ရောက်ခဲ့သည့် နည်းပြ(၉)ဦးမှဦးဆောင်၍ မြန်မာစာ၊ အင်္ဂလိပ်စာ၊ သင်္ချာ၊ ပထဝီဝင်၊ သမိုင်း၊ သိပ္ပံဘာသာ၊ စာရိတ္တ နှင့် ကာယဘာသာရပ်များကို ပို့ချပေးသွားမည်ဖြစ်ပြီး သင်တန်းသား ဆရာ(၃၈)ဦး၊ သင်တန်းသူ ဆရာမ (၂၂၃)ဦး၊ စုစုပေါင်း (၂၆၁)ဦး တက်ရောက်သင်ယူကြမည်ဖြစ်ကြောင်း စဉ့်ကူးမြို့နယ်ပညာရေးမှူးရုံးမှ သိရသည်။
သတင်း - တင်ဇာလွင်
https://t.me/MyanmarNationalPost
No comments:
Post a Comment