MNP ၊ မေ ၂၁
၂၀၂၂-၂၀၂၃ ပညာသင်နှစ် အထက်တန်းအဆင့် သင်ရိုးသစ်(Grede-11) မြို့နယ်အဆင့် ဆင့်ပွား သင်တန်းကို ယနေ့နံနက် ၉နာရီက တစ်နိုင်ငံလုံးတစ်ပြိုင်နက်ဖွင့်လှစ်ခဲ့ရာ သံတွဲမြို့၌ အထက(ခွဲ) ငကျော်တောင် ကျောင်းတွင်ဖွင့်လှစ်သင်ကြားပေးလျက်ရှိကြောင်းသိရသည်။
အဆိုပါသင်တန်းကို ကျောင်းသား၊ ကျောင်းသူများအားသင်ကြားပို့ ချရာတွင် စနစ်တကျကျွမ်းကျင် ပိုင်နိုင်စွာသင်ကြားနိုင်ရေးအတွက်အခြေခံပညာဦးစီးဌာနမှ ကြီးမှူးဖွင့်လှစ်ခြင်းဖြစ်ပြီး ၂၀၂၂-၂၀၂၃ ပညာသင်နှစ် အထက်တန်းအဆင့် သင်ရိုးသစ်Grede-11 ၏ မြန်မာစာ၊ အင်္ဂလိပ်စာ၊ သင်္ချာ၊ ဓာတု၊ ရူပ၊ ဇီဝ၊ဘောဂ ၊သမိုင်း၊ ပထဝီဝင်၊ နှင့် ကာယပညာရပ်များကို မေ ၂၁ ရက်နေ့မှ ၂၃ ရက်နေ့အထိ သင်ကြားပို့ချသွားမည်ဖြစ်သည်။
အဆိုပါ သင်တန်းတွင် သံတွဲမြို့နယ်အတွင်းမှ အခြေခံပညာအထက်တန်းကျောင်းအုပ်ကြီးများ ၊ အခြေခံပညာအထက်တန်းကျောင်း(ခွဲ)ကျောင်းအုပ်ကြီးများ၊ အထက်တန်းပြဆရာ/ဆရာမ စုစုပေါင်း (၁၃၃)ဦးသင်တန်းတက်ရောက်လျက်ရှိပြီး ဗဟိုနည်းပြနှင့် ပြည်နယ်အဆင့်နည်းပြသင်တန်း တက်ရောက် ပြီးသူ (၁၂)ဦး တို့က ဆင့်ပွါးသင်ကြားပေးလျက် ရှိရာ ဒုတိယပညာရေးမှူး ဦးထွန်းထွန်းနိုင်နှင့် လက်ထောက် ပညာရေးမှူး နှစ်ဦးတို့မှ ကြီးကြပ်ဆောင်ရွက်လျက် ဆင့်ပွါးသင်တန်း ဖွင့်လှစ် သင်ကြားပို့ချ ပေးလျက်ရှိကြောင်း သင်တန်းကြီးကြပ်အဖွဲ့ထံမှ သိရှိရသည်။
သတင်း - သန့်ဇင်
https://t.me/MyanmarNationalPost
No comments:
Post a Comment