MNP ၊ မေ ၁၆
၂၀၂၂-၂၀၂၃ ပညာသင်နှစ် အလယ်တန်းအဆင့် သင်ရိုးသစ်Grede-8 မြို့နယ်အဆင့် ဆင့်ပွား သင်တန်းကို ယနေ့နံနက် ၉နာရီက တစ်နိုင်ငံလုံးတစ်ပြိုင်နက်ဖွင့်လှစ်ခဲ့ရာ သံတွဲမြို့၌ အထက(ခွဲ) ငကျော်တောင် ကျောင်းတွင်ဖွင့်လှစ်သင်ကြားပေးလျက်ရှိကြောင်းသိရသည်။
အဆိုပါသင်တန်းကို ကျောင်းသား၊ ကျောင်းသူများအားသင်ကြားပို့ ချရာတွင် ကျွမ်းကျင် ပိုင်နိုင်စွာသင်ကြားနိုင်ရေးအတွက်ပညာရေးစီမံကိန်းနှင့်လေ့ကျင့်ရေးဦးစီးဌာနမှ ကြီးမှူးဖွင့်လှစ်ခြင်းဖြစ်ပြီး ၂၀၂၂-၂၀၂၃ ပညာသင်နှစ် အလယ်တန်းအဆင့် သင်ရိုးသစ်Grede-8 ၏ မြန်မာစာ၊ အင်္ဂလိပ်စာ၊ သင်္ချာ၊ သိပ္ပံ၊ သမိုင်း၊ ပထဝီဝင်၊ စာရိတ္တ၊ ပြည်သူ့နီတိနှင့် ကာယပညာရပ်များကို မေ ၁၆ ရက်နေ့မှ ၁၈ ရက်နေ့အထိ သင်ကြားပို့ချသွားမည်ဖြစ်သည်။
အဆိုပါ သင်တန်းတွင် သံတွဲမြို့နယ်အတွင်းမှ အလယ်တန်းပြဆရာ/ဆရာမ စုစုပေါင်း (၄၀၇)ဦးရှိသည့်နက် (၄၀၀)ဦးသင်တန်းတက်ရောက်လျက်ရှိပြီး ပျက်ကွက်သူ (၇)ဦးရှိကာ ဗဟိုနည်းပြ ပြည်နယ်အဆင့်သင်တန်းတက်ရောက်ပြီးသူ ( ၁၃)ဦး တို့က ဆင့်ပွါးသင်ကြားပေးလျက် ရှိရာ သံတွဲမြို့နယ်ပညာရေးမှူးဒေါ်သိန်းတင်က သင်တန်းမှူးအဖြစ်ဆောင်ရွက်လျက်ရှိပြီး ဒုတိယပညာရေးမှူး ဦးထွန်းထွန်းနိုင်နှင့် လက်ထောက် ပညာရေးမှူး နှစ်ဦးတို့မှ ကြီးကြပ်ဆောင်ရွက်လျက် ဆင့်ပွါးသင်တန်းဖွင့်လှစ်သင်ကြားပို့ချပေးလျက်ရှိကြောင်း သင်တန်းကြီးကြပ်အဖွဲ့ထံမှ သိရှိရသည်။
သတင်း - သန့်ဇင်
https://t.me/MyanmarNationalPost
No comments:
Post a Comment