ဂွမြို့နယ်တွင် ကိုဗစ်-၁၉ရောဂါကာကွယ်ဆေး ထိုးနှံပြီးစီးရေး Mobile Team ဖြင့် ကျေးရွာများအရောက် ဆက်လက် ထိုးနှံ ပေးလျက်ရှိ

MNP ၊ မေ  ၂၄

ရခိုင်ပြည်နယ်၊ သံတွဲခရိုင်၊ ဂွမြို့နယ်တွင်အသက်(၁၈)နှစ်နှင့် အထက် ကာကွယ်ဆေး ဆေးထိုးရန် အကျုံးဝင်သူအားလုံးအား ကိုဗစ်-၁၉ရောဂါ ကြိုတင်ကာကွယ်ဆေး ထိုးနှံပြီးစီးရေး အတွက် မြို့နယ်ကိုဗစ်-၁၉ရောဂါ ထိန်းချုပ်ရေးနှင့် အရေးပေါ်တုံ့ပြန်ရေး ကော်မတီ ဥက္ကဋ္ဌ၊ မြို့နယ်စီမံအုပ်ချုပ်ရေးအဖွဲ့ ဦးဇာနည်ကျော်၏ ဦးဆောင်မှုဖြင့် မြို့နယ်ကျန်းမာရေးဦးစီးဌာနနှင့် တာဝန်ရှိသူများသည် မေလ(၂၃)ရက်နေ့က ဒိုးတန်းကျေးရွာ၊ ရတနာမြိုင်ကျေးရွာနှင့် ရွှေဦးကွင်းကျေးရွာတို့တွင် ကာကွယ်ဆေးများ ထိုးနှံပေးခဲ့ကြကြောင်း သိရသည်။

ထိုသို့ Mobile Teamဖြင့် ကွင်းဆင်း၍  ကာကွယ်ဆေးများ ထိုးနှံဆောင်ရွက် ပေးရာတွင် Phase-10(covaxin) ပထမအကြိမ်ထိုးနှံရာတွင် အခြားဝင်ငွေရ(၈)ဦး၊ အခြား/မိသားစု/မှီခို(၄၅)ဦး၊ စုစုပေါင်း(၅၃)ဦး၊ Phase-8နှင့် Phase-9(Covaxin) ဒုတိယအကြိမ် ထိုးနှံရာတွင်  Supermarket/ ဈေး(၁)ဦး၊ အခြားဝင်ငွေရ(၁၆၈)ဦး၊ အခြား/မိသားစု/မှီခို(၈၀)ဦး၊ စုစုပေါင်း(၂၄၉)ဦးနှင့် Phase(0/1/2/3) covidshield တတိယအကြိမ်တွင် နိုင်ငံ့ဝန်ထမ်း/မိသားစု(၁၂)ဦး၊ အခြား/မိသားစု/မှီခို(၃၂၁)ဦး၊ စုစုပေါင်း(၃၃၃)ဦးတို့က စုရပ်များသို့ လာရောက်ထိုးနှံခဲ့ကြကြောင်း သိရသည်။

သတင်း - ရွှေရည်ဝင်းကျော်

#MyanmarNationalPost