MNP ၊ မေ ၂၃
နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်မှ ဖိတ်ခေါ်သည့် ငြိမ်းချမ်းရေးဆွေးနွေးပွဲသို့ တက်ရောက်ခဲ့သည့် ရှမ်းပြည်ပြန်လည်ထူထောင်ရေးကောင်စီ RCSS/SSA ဥက္ကဋ္ဌ ယွက်ဆစ်နှင့်အဖွဲ့ဝင်များသည် ယနေ့နေ့လည် ၁၂ နာရီအချိန်က နေပြည်တော်မှ တပ်မတော်လေယာဉ်ဖြင့် တာချီလိတ်လေဆိပ်သို့ ပြန်လည်ရောက်ရှိလာခဲ့ကြောင်း သိရသည်။
မေ ၂၀ ရက်နေ့တွင် ကျင်းပခဲ့သည့်ငြိမ်းချမ်းရေးဆွေးနွေးပွဲသို့တက်ရောက်ရန် မေ ၁၉ ရက်နေ့က တာချီလိတ်လေဆိပ်မှတဆင့် နေပြည်တော်သို့ထွက်ခွာသွားသောဥက္ကဋ္ဌ ယွက်ဆစ်နှင့်အဖွဲ့ဝင်များ၏ ၅ ရက်ကြာခရီးစဉ်မှ ပြန်လည်ရောက်ရှိလာချိန်တွင် ရှမ်း၊ အာခါ၊ လားဟူ၊ ပအိုဝ့် တိုင်းရင်းသားများနှင့် ပြည်သူများက ငြိမ်းချမ်းရေးဆွေးနွေးပွဲကို ကြိုဆိုထောက်ခံသောအားဖြင့် ပန်းစည်းများနှင့် ဗီနိုင်းပိုစတာများကိုင်ဆောင်ကာ လေဆိပ်မှသောင်းသောင်းဖျဖျ ကြိုဆိုခဲ့ကြသည်။
ထို့နောက် ဥက္ကဋ္ဌ ယွက်ဆစ်နှင့်အဖွဲ့ဝင်များသည် ဆေခမ်းရပ်ကွက်ရှိ ရာဇဌါန် ဘုန်းတော်ကြီးကျောင်းသို့ ဝင်ရောက်ဖူးမျှော်ခဲ့ပြီး ပလက်တီနမ်ဟိုတယ်၌ နေ့လည်စာ သုံးဆောင်ခဲ့ကြပြီးနောက် နေ့လည် ၁ နာရီ ၄၀ မိနစ်အချိန်တွင် မြန်မာ-ထိုင်းချစ်ကြည်ရေးတံတား(၂)မှတဆင့် ထိုင်းနိုင်ငံမယ်ဆိုင်မြို့သို့ ပြန်လည်ထွက်ခွာသွားခဲ့ကြောင်း သိရှိရသည်။
သတင်း - ယာဆေး
https://t.me/MyanmarNationalPost
No comments:
Post a Comment