MNP ၊ မေ ၁၈
မွန်ပြည်နယ်၊ပေါင်မြို့နယ်ရုံးတွင် ရေချွေတာသုံးစွဲရေး ခေါင်စဉ်ဖြင့်အသိပညာပေး Talk Show ပြုလုပ်ခြင်းကို ယမန်နေ့မွဲလွဲပိုင်းက ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ Community Centre ခန်းမ၌ ကျင်းပပြုလုပ်ခဲ့ကြောင်းသိရသည်။
အခမ်းအနားတွင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ဦးစီးအရာရှိ ဒေါ်တင်ဇာစိုးကTalk Show ပြုလုပ် ရခြင်း၏ရည်ရွယ်ချက်ကိုရှင်းလင်းပြောကြားသည်။
ထိုနောက်သထုံခရိုင် ပတ်ဝန်းကျင်ထိန်းသိမ်းရေးဦးစီးဌာန မှ ဒုတိယဦးစီးမှုး ဒေါ်ဖြိုးမို့အောင်က ရေသယံဇာတများ၊လူသားနှင့်အပင်တို့အတွက် ရေအရေးပါပုံ၊ရေသယံဇာတများတစ်နေ့တစ်ခြား ရှားပါးလာပုံများ၊လူသားနှင့်သက်ရှိလောကတစ်ခုလုံး ရေထုညစ်ညမ်းမှုအပြင်အခြားသော အကြောင်းအရာများကြောင့်တစ်နေ့တစ်ခြား ရေရှားပါးလာပုံများ ၊ ရေချွေတာသုံးစွဲရမည့်အကြောင်းများစသည်များ ဆွေးနွေးခဲ့ကြောင်းသိရသည်။
ဆက်လက်၍လက်ထောက်ဦးစီးမှုး ဒေါ်သီသီအေး က ရေအရင်းအမြစ်ရရှိပုံ၊မြေပေါ်ရေနှင့်မြေအောက်ရေများအကြောင်း၊ပင်လယ်ရေကို သောက်သုံးပါက ခန္ဓာကိုယ်၏ရေပါဝင်မှုကိုကျဆင်းသွားစေသည့်အကြောင်းအရာများ၊ရေရှားပါး၍ရေထုညစ်ညမ်းမှုများနှင့်ရေထုညစ်ညမ်းစေတဲ့အကြောင်းအရာများ စသည်တို့ ကိုဆွေးနွေးခဲ့ကြောင်းသိရသည်။
သတင်း - မွန်မလေး
https://t.me/MyanmarNationalPost
No comments:
Post a Comment