MNP ၊ ဇွန် ၁၅
ရခိုင်ပြည်နယ်၊ စစ်တွေခရိုင်၊ ပေါက်တောမြို့နယ် မြင့်ဂါ ကျေးရွာအုပ်စု၊ ရီပဒေကျေးရွာအနီးတွင် ဇွန်လ (၁၃)ရက်နေ့ နံနက် ၈ နာရီခန့်က မိုးကြိုးထိမှန်၍ လူတစ်ဦးသေဆုံးသွားသည့် မိသားစုများနှင့် မေလ (၂၁)ရက် နေ့ ရုတ်တရက်လေပြင်းတိုက်၍ နေအိမ်တစ်ပိုင်းတစ်စ ပျက်စီးဆုံးရှုံးသွားသည့် ချောင်းစောက်ကျေးရွာမှ ဒေါ်အေးနုချေမိသားစုတို့အား ထောက်ပံ့ငွေပေးအပ်ခြင်းကို ပေါက်တောမြို့နယ် အထွေထွေအုပ်ချုပ်ရေးဦးစီးဌာနရုံးခန်းမတွင် ယနေ့နံနက် (၁၀)နာရီ (၃၀)မိနစ်ကပြုလုပ်သည်။
ယင်းထောက်ပံ့ပေးငွေများကို ဘေးအန္တရာယ်ဆိုင်ရာစီမံခန့်ခွဲရေးဦးစီးဌာနမှ ထောက်ပံ့ပေးအပ်ခြင်းဖြစ်သည်။ ထောက်ပံ့ငွေများအား ပေါက်တောမြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးကျော်ဝင်းနှင့် မြို့နယ်စီမံအုပ်ချုပ်ရေးအဖွဲ့ဝင် ဗိုလ်မှူးအောင်ဇင်သန်းတို့မှ မိုးကြိုးထိမှန်၍သေဆုံးသွားသည့်မိသားစုဝင်များအား ထောက်ပံ့ငွေ (၃၀၀၀၀၀/-)ကျပ်ကိုလည်းကောင်း၊ နေအိမ်တစ်စိတ်တစ်ပိုင်းပျက်စီးသွားသည့် ဒေါ်အေးနုချေမိသားစုအား ထောက်ပံ့ငွေ (၂၂၁၀၀/-)ကျပ်တို့ကို လည်းကောင်း အသီးသီး ထောက်ပံ့ပေးခဲ့ကြကြောင်းသိရှိရသည်။
https://t.me/MyanmarNationalPost
No comments:
Post a Comment