MNP ၊ ဇွန် ၇
မွန်ပြည်နယ် ပေါင်မြို့နယ်တွင် အခြေခံပညာအထက်တန်းကျောင်းသားကျောင်းသူများအား ကြက်တောင်ရိုက်သင်တန်းနှင့် ဘတ်စကတ်ဘောသင်တန်းကို ဒီကနေ့ နံနက်ပိုင်းက စတင်ဖွင့်လှစ်ပေးခဲ့ကြောင်း သိရသည်။
နိုင်ငံကိုယ်စားပြုမျိုးဆက်သစ်လူငယ်အားကစားသမားများပေါ်ထွက်လာစေရေး၊ ကိုယ်ကာယကျန်းမာကြံ့ခိုင်ပြီး အားကစားလှုပ်ရှားမှုများတွင် စိတ်ပါဝင်စားလာစေရန် ရည်ရွယ်၍ မြို့နယ်ပညာရေးဌာနနှင့် အားကစားဌာနတို့ ပူးပေါင်းဖွင့်လှစ်ပေးရခြင်းဖြစ်ကြောင်း သိရသည်။
အဆိုပါကြက်တောင်ရိုက်သင်တန်းကို အ.ထ.က ပေါင်ကျောင်းမှ ကျောင်းသားကျောင်းသူ ၃၆ ဦးအား နှစ်ပတ်ကြာသင်ကြားပေးမည်ဖြစ်ပြီး ဘက်စကတ်ဘောသင်တန်းကို အ.ထ.က ကျွဲခြံကျောင်းမှ ကျောင်းသားကျောင်းသူ ၆၂ ဦးအား သုံးပတ်ကြာဖြင့် တစ်ရက်လျှင် ၂ နာရီကြာ သင်ကြားပေးသွားမည်ဖြစ်ကြောင်း သိရသည်။
သတင်း - မွန်မလေး
https://t.me/MyanmarNationalPost
No comments:
Post a Comment