MNP - ဇွန် ၃
ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ် အ.ထ.က(၁)အခြေခံပညာ အထက်တန်းကျောင်းနှင့် အောင်ချမ်းသာဘုန်းတော်ကြီးကျောင်းတို့မှ အသက် ၅ နှစ်အထက် ကျောင်းသား/ကျောင်းသူများအား ကိုဗစ်-၁၉ ရောဂါကာကွယ်ဆေးထိုးပေးခြင်းကို ယနေ့ နံနက်(၁၀)နာရီအချိန်တွင် ဓနဖြူမြို့နယ် ကျန်းမာရေးဝန်ထမ်းများက လမ်းညွှန်ချက်များနှင့်အညီ ထိုးနှံပေးခဲ့ကြောင်းသိရသည်။
ထိုသို့ဆောင်ရွက်ရာတွင် အ.ထ.က(၁) အခြေခံပညာအထက်တန်းကျောင်းနှင့် အောင်ချမ်းသာ ဘုန်းတော်ကြီးကျောင်းမှ အသက် ၅ နှစ်အထက် ကျောင်းသား၊ ကျောင်းသူ စုစုပေါင်း (၁၂၁၀)ဦးတို့အား ဓနုဖြူမြို့နယ် ကျန်းမာရေးဌာနမှ ဆရာ/ဆရာများက ကာကွယ်ဆေးမထိုးမှီ အပူချိန်တိုင်းတာခြင်း၊ သွေးပေါင်ချိန်ခြင်း စသည့်ကျန်းမာရေးစစ်ဆေးခြင်းလုပ်ငန်းများ ဆောင်ရွက်ပြီးမှ ကာကွယ်ဆေး ထိုးပေးပြီး၊ ကာကွယ်ဆေးထိုးပြီးပါကလည်း နာရီဝက်ခန့် စောင့်ကြည့်ဆောင်ရွက် သွားကြောင်း သိရသည်။
အဆိုပါ ကာကွယ်ဆေးထိုးနှံပေးခြင်းလုပ်ငန်းကို မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးအေးကိုတင့်နှင့် အဖွဲဝင်များမှလိုက်လံကြည့်ရှုအားပေးလျက်ရှိကြောင်းသိရသည်။
မြန်မာနေရှင်နယ်ပို့စ်
No comments:
Post a Comment