MNP ၊ ဇွန် ၁၈
ရခိုင်ပြည်နယ်၊ သံတွဲမြို့တွင် ကျင်းပပြုလုပ်ခဲ့သည့် ၁၃၈၃ ခုနှစ်မဟာသင်္ကြန်ပွဲတော် ဖြစ်မြောက်ရေးအတွက်ပါဝင်ကူညီခဲ့သူများအား မဟာသင်္ကြန်ပွဲတော်ကျင်းပရေးကော်မတီက ကြီးမှူးကျင်းပသည့် ဂုဏ်ပြု ချီးမြှင့်ပွဲကို ယမန်နေ့မွန်းလွဲ ၂ နာရီက ဒွါရာဝတီမြို့နယ်ခန်းမ၌ ကျင်းပပြုလုပ်သည်။
ရှေးဦးစွာ ခရိုင်စီမံအုပ်ချုပ်ရေးအဖွဲ့ အဖွဲ့ဝင်(၁) ဒုတိယဗိုလ်မှူးကြီးဝင်းဗိုလ်က အဖွင့်အမှာစကား ပြောကြားပြီး သံတွဲမြို့မဟာသင်္ကြန်ပွဲတော်ကျင်းပရေး ဘဏ္ဍာရေးဆပ်ကော်မတီဥက္ကဌ ခရိုင်စီမံအုပ်ချုပ်ရေး အဖွဲ့ ၊ အဖွဲ့ဝင်(၂)ဦးလှဟန်က ဘဏ္ဍာငွေရရှိ/သုံးစွဲမှုအခြေအနေများကို ရှင်းလင်းပြောကြားခဲ့သည်။ ဆက်လက်၍ ဒုတိယဗိုလ်မှူးကြီးဝင်းဗိုလ်နှင့် တာဝန်ရှိသူများက ၁၃၈၃ ခုနှစ် မဟာသင်္ကြန်ပွဲတော် ဖြစ်မြောက်ရေးအတွက်ပါဝင်ကူညီခဲ့သည့် အလှူရှင် (၆၁)ဦးအား ဂုဏ်ပြုမှတ်တမ်းလွှာများ ချီးမြှင့် ပေးအပ်ခဲ့သည်။
ထို့နောက် အလှူရှင်များကိုယ်စား မြို့မိမြို့ဖ ဦးဖိုးရီအောင်က ကျေးဇူးတင်စကားပြန်လည် ပြောကြားခဲ့ကြောင်းသိရှိရသည်။
https://t.me/MyanmarNationalPost
No comments:
Post a Comment