MNP - ဇွန် ၂၆
ရှမ်းပြည်နယ် (မြောက်ပိုင်း) မိုးမိတ်ခရိုင်၊ မဘိမ်းမြို့ အခြေခံပညာအထက်တန်းကျောင်း၌ စုပေါင်းသန့်ရှင်းရေးဆောင်ရွက်ခြင်း ယနေ့နံနက် ၇ နာရီအချိန်က မြို့နယ်အထွေထွေအုပ်ချုပ်ရေး ဦးစီးဌာနမှဝန်ထမ်းများ၊ မြို့နယ်ရဲတပ်ဖွဲ့ဝင်များ၊ မြို့နယ်မီးသတ် တပ်ဖွဲ့ဝင်များနှင့် မြို့နယ်ဌာနဆိုင် ရာများမှဝန်ထမ်းများစုပေါင်း၍ ဆောင်ရွက်ခဲ့ကြကြောင်း သိရှိရသည်။
အဆိုပါ စုပေါင်းသန့်ရှင်းရေး ဆောင်ရွက်ရာတွင် မဘိမ်းမြို့၊ အခြေခံပညာအထက်တန်း ကျောင်းဝင်း အတွင်းရှိ အားကစားကွင်းအား ချုံနွယ်များခုတ်ထွင်ရှင်းလင်းခြင်း၊ ပေါင်းမြက်များရှင်းလင်းခြင်း၊ ကျောင်းရှေ့ရှိ သစ်ပင်များအား အောက်ခြေသစ်ကိုင်းများ ရှင်းလင်းခြင်း၊ ရေမြောင်းအတွင်းရှိ အမှိုက်များရှင်းလင်းခြင်းနှင့် ကျောင်းရှေ့အလေးပြုကွင်းအား ပေါင်းမြက်များ ရှင်းလင်းခြင်း များကို စုပေါင်းဆောင်ရွက်ခဲ့ကြရာ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့် အဖွဲ့ဝင်များနှင့် မြို့နယ်အဆင့် ဌာနဆိုင်ရာ အကြီးအကဲများက ကြည့်ရှုအားပေးကာ လိုအပ်သည်များ ဖြည့်ဆည်းဆောင်ရွက်ပေးခဲ့ကြောင်း သိရသည်။
သတင်း - မျိုးမင်း
မြန်မာနေရှင်နယ်ပို့စ်
No comments:
Post a Comment