MNP - ဇွန် ၁၅
မန္တလေးတိုင်းဒေသကြီး၊ ကျောက်ဆည်မြို့နယ်လမ်းဦးစီးဌာနမှ မြိုပြနှင့်ကျေးလက်ကွာဟမှုမရှိစေရေး လမ်း၊တံတားများတည် ဆောက်ပေးခြင်း၊ ပြန်လည်ပြုပြင်ပေးခြင်းလုပ်ငန်းများဆောင်ရွက်ပေးလျက် ရှိရာ ၂၀၂၂-၂၀၂၃ဘဏ္ဍာနှစ်တွင် ဘယ်လင်း-စွန်ရဲ-ရွှေလှံဗိုလ်-ရဲရွာလမ်းမှ ရေတိုက်စားနေသည့် လမ်းပိုင်းနှစ်နေရာအား လမ်းတာဘောင်ကျောက်စီခြင်းများ ဆောင်ရွက်ပေးသွားမည်ဖြစ်ကြောင်း သိရသည်။
အဆိုပါ လမ်းတာဘောင်ကျောက်စီခြင်းလုပ်ငန်းများကို မန္တလေးတိုင်းဒေသကြီး ခွင့်ပြုရန်ပုံငွေ ကျပ်သန်း(၉၀)ဖြင့် မိုင်တိုင်အမှတ် (၃၄)မိုင်(၄)ဖာလုံခွဲနှင့်(၃၄)မိုင်(၄)ဖာလုံးအတွင်းရှိ လမ်းပိုင်းအရှည်(၁၁၁)ပေနှင့် မိုင်တိုင်အမှတ် (၂၈)မိုင်(၇)ဖာလုံနှင့်(၂၉)မိုင် (၁)ဖာလုံခွဲအတွင်းရှိ လမ်းပိုင်းအရှည် (၂၁၆) ပေ၊ စုစုပေါင်း လမ်းပိုင်းအရှည်(၃၂၇)ပေအား ရေတိုက်စားမှုခုခံကာကွယ်နိုင်ရေး ကျောက်သားစီခြင်း လုပ်ငန်းများကို မြို့နယ်လမ်းဦးစီးဌာနမှ တာဝန်ယူဆောင်ရွက်ပေးသွားမည်ဖြစ်ကြောင်း သိရသည်။
ကျောက်ဆည်မြို့နယ် လမ်းဦးစီးဌာနအနေဖြင့် ပြည်သူတစ်ရပ်လုံး၏လူမှုစီးပွားဘဝဖွံ့ဖြိုးတိုးတက် မြင့်မားလာစေရန်အတွက် လမ်းများ၊ တံတားများ၊ လူနေထိုင်ရာအဆောက်အအုံများ ဖွံ့ဖြိုးတိုးတက်စေရန်၊ သယ်ယူပို့ဆောင်ရေးလုပ်ငန်းများတွင် အချိန် ကုန်သက်သာပြီး ကုန်ကျမှုစရိတ်သက်သာစေရန်နှင့် ဒေသထွက်ကုန်များနှင့် အခြားလူသုံးကုန်ပစ္စည်းများသယ်ယူရာတွင် အချိန်တိုအတွင်း လွယ်ကူမြန်စွာသယ်ယူနိုင်ရေး၊ လူမှုရေး၊ စီးပွားရေး၊ ကျန်းမာရေး၊ ပညာရေးကဏ္ဍများ ဖွံ့ဖြိးတိုးတက်စေရန်အတွက် ဘဏ္ဍာနှစ်အလိုက် လုပ်ငန်းများဆောင်ရွက်ပေးလျက်ရှိကြောင်း သိရသည်။
သတင်း - သက်မောင်
မြန်မာနေရှင်နယ်ပို့စ်
No comments:
Post a Comment