MNP - ဇွန် ၁
ကချင်ပြည်နယ်၊ မြစ်ကြီးနားမြို့တွင် မြို့နယ်စီမံအုပ်ချုပ်ရေးအဖွဲ့မှကြီးမှူး၍ မြို့နယ်အဆင့် ဌာနဆိုင်ရာများနှင့် ရပ်ကျေးအုပ်ချုပ်ရေးမှူးများ လစဉ်လုပ်ငန်းညှိနှိုင်းဆွေးနွေးပွဲကို ယနေ့နံနက် ၁၀ နာရီက စုပေါင်းရုံးရှိ မနောရွှေပြည်ခန်းမ၌ ကျင်းပခဲ့သည်။
အဆိုပါဆွေးနွေးပွဲတွင် မြို့နယ်စီမံအုပ်ချုပ်ရေးမှူး ဦးတိုးတိုးထွန်းက ရပ်ကွက်ကျေးရွာများ သန့်ရှင်းသာယာလှပရေးနှင့် မိုးရာသီကာလဖြစ်သောကြောင့် ရေစီးရေလာကောင်းမွန်စေရေး သက်ဆိုင်ရာဌာနဆိုင်ရာများနှင့် ပေါင်းစပ်ညှိနှိုင်းဆောင်ရွက်သွားကြရန်နှင့် ကချင်ပြည်နယ်အစိုးရအဖွဲ့ရုံးမှ လမ်းညွှန်မှာကြားချက်များအား ရှင်းလင်းပြောကြားခဲ့သည်။
ထို့နောက် တက်ရောက်လာသည့် မြို့နယ်အဆင့်ဌာနဆိုင်ရာများနှင့် ရပ်/ကျေးအုပ်ချုပ်ရေးမှူးများက မိမိတို့၏ လုပ်ငန်းဆောင်ရွက်နေမှုများ၊ လိုအပ်ချက်များ၊ သိရှိလိုသည်များနှင့်ပတ်သက်၍ တင်ပြဆွေးနွေးခဲ့ကြရာ မြို့နယ်စီမံအုပ်ချုပ်ရေးမှူးက လိုအပ်ချက်များကို ဖြည့်စွက်မှာကြားခဲ့သည်။
မြန်မာနေရှင်နယ်ပို့စ်
No comments:
Post a Comment