MNP ၊ ဇွန် ၇
ရခိုင်ပြည်နယ် ၊မောင်တောခရိုင် ၊ မောင်တောမြို့၌ ဆန်၊ ပဲ ၊ ပြောင်း ၊ ဂျုံ နှင့် သီးနှံအခြေခံတန်ဖိုးမြှင့် စား သောက်ကုန် ထုတ်လုပ်မှုနည်းပညာသင်တန်းဖွင့်ပွဲကို ယနေ့ နံနက် ၁၀ နာရီအချိန် ခရိုင်အသေး စား စက်မှု လက်မှုလုပ်ငန်းဦးစီးဌာန ရုံးတွင် ကျင်းပပြုလုပ်ခဲ့သည်။
ရှေးဦးစွာ ခရိုင်စီမံအုပ်ချုပ်ရေးအဖွဲ့ဝင်(၁) ဒုတိယဗိုလ်မှူးကြီး ကျော်သူဝင်းက ဆန်၊ ပဲ ၊ ပြောင်း ၊ ဂျုံ နှင့် သီးနှံ အခြေခံတန်ဖိုးမြှင့် စားသောက်ကုန် ထုတ်လုပ်မှုနည်းပညာသင်တန်းတွင် ပို့ချမည့် ဘာသာရပ်များအား စနစ် တကျ လေ့လာသင်ယူမှတ်သားကြစေလိုကြောင်း ၊ လူတိုင်းနေ့စဉ် အစာအဟာရများကို စားသုံးကြ သည့် အတွက် အစားအသောက်ပြုလုပ်သည့် သင်တန်းများဖွင့်လှစ်ပေးခြင်းသည် အကျိုးရှိပါကြောင်း ၊ သင်တန်းမှ ပို့ ချသည့် ဘာသာရပ်များကို လေ့လာသင်ယူပြီးသည့် အခါ မိမိ မိသားစု ကိုယ်ပိုင်ဝင်ငွေများ တိုးပွားအောင် ဆောင် ရွက်ကြစေလိုကြောင်းမှာကြားခဲ့သည်။ ထို့နောက် အသေးစားစက်မှုလက်မှုလုပ်ငန်းဦးစီးဌာနမှ ခရိုင် ဦးစီးမှူး ဒေါ်ဥမ္မာထွန်းက သင်တန်းတွင် ပို့ချပေးမည့် ဘာသာရပ်များ ၊ သင်တန်းမှ ရရှိလာမည့် အကျိုး ကျေးဇူး များ သင်တန်းဖွင့်လှစ် ပို့ချရခြင်းနှင့် ပတ်သတ်၍ ရှင်းလင်းပြောကြားခဲ့သည်။ အဆိုပါ သင်တန်းကို နည်းပြ ၂ ဦးမှ သင်တန်းသား/သူ ၂၀ ဦးအား ယို ၊ဖျော်ရည် ၊ ဆရပ် ၊ ဂျယ်လီ ၊ ကိတ် ၊ ဝိုင် အမျိုးမျိုး ပြုလုပ်ခြင်း နည်းစနစ် များကို စာတွေ့လက်တွေ့ ၁၀ ရက်ကြာ သင် ကြား ပို့ချ ပေးမည်ဖြစ်ကြောင်း သိရသည်။
သတင်း - သက်လွင်စိုး
https://t.me/MyanmarNationalPost
No comments:
Post a Comment