MNP ၊ ဇွန် ၂၅
ရခိုင်ပြည်နယ်၊ ရမ်းဗြဲမြို့၌ကျောင်းသား/ကျောင်းသူများ ကျန်းမာပျော်ရွှင်စွာပညာသင်ကြားနိုင်ရေးနှင့်မိုးဦးကျကာလများတွင် ခြင်ကြောင့်ကူးစက်ဖြစ်ပွားတတ်သည့်ရောဂါများမှ ကင်းဝေးစေရေးအတွက် ယနေ့ နံနက် ၇ နာရီအချိန်က ရမ်းဗြဲမြို့အမှတ်(၃)ရပ်ကွက်၊တန်းနားပြင်ရပ်ရှိ အခြေခံပညာမူလတန်းကျောင်း၌ကျောင်းနှင့်ကျောင်းပတ်ဝန်းကျင် သန့်ရှင်းသာယာလှပရေးအတွက် သန့်ရှင်းရေးကို စုပေါင်းဆောင်ရွက်ခဲ့ကြသည်။
ထိုသို့ဆောင်ရွက်ရာတွင် ရမ်းဗြဲမြို့နယ် စီမံအုပ်ချုပ်ရေးအဖွဲ့၏ ကြီးကြပ်ဆောင်ရွက်ပေးမှုဖြင့် အထွေထွေအုပ်ချုပ်ရေးဦးစီးဌာနမှဝန်ထမ်းများ၊ မီးသတ်တပ်ဖွဲ့ဝင်များ၊ စည်ပင်သာယာရေးအဖွဲ့ဝင်များ၊ မြန်မာနိုင်ငံရဲတပ်ဖွဲ့ဝင်များဌာနဆိုင်ရာများမှ ပူးပေါင်းဆောင်ရွက်ခဲ့ကြသည်။
အဆိုပါ ပူးပေါင်းအဖွဲ့တို့သည် တန်းနားပြင်၊ အခြေခံပညာမူလတန်းကျောင်း၏ ကျောင်းပတ်ဝန်းကျင် သန့်ရှင်းရေးနှင့်ခြင်များမပေါက်ပွားနိုင်စေရေးအတွက် ခြုံ နွယ် မြက်များကိုခုတ်ထွင်ရှင်းလင်းပေးခြင်း၊ ရေစီးရေလာကောင်းမွန်စေရေးအတွက်ရေနုတ်မြောင်းများ ဖေါက်လုပ်ပေးခြင်းတို့ကို စုပေါင်းဆောင်ရွက်ပေးခဲ့ကြကြောင်း သိရသည်။
သတင်း - အောင်နိုင်
https://t.me/MyanmarNationalPost
No comments:
Post a Comment