MNP - ဇွန် ၁၆
ရှမ်းပြည်နယ်(မြောက်ပိုင်း)၊ မူဆယ်ခရိုင်၊ ပန်ဆိုင်း(ကြူကုတ်)မြို့၊ အခြေခံပညာအထက်တန်းကျောင်းတွင် အသက်(၅)နှစ်မှ(၁၂)နှစ်အတွင်းရှိ ကျောင်းသား၊ ကျောင်းသူ ကလေးသူငယ်များအား ပထမအကြိမ် ကိုဗစ်-၁၉ ရောဂါကာကွယ်ဆေး ထိုးနှံပေးလျက်ရှိကြောင်း သိရသည်။
အဆိုပါ အခြေခံပညာအထက်တန်းကျောင်း၌ ကိုဗစ်-၁၉ရောဂါ ကာကွယ်ဆေးထိုးနှံပေးခြင်းကို မြို့နယ်ကျန်းမာရေးဦးစီးဌာနနှင့်ပညာရေးဝန်ထမ်းများမှ ဦးဆောင်၍ ကာကွယ်ဆေးထိုးနှံသူများ စာရင်းမှတ်တမ်းများအား ကောက်ယူရေးသွင်းကာ ကျောင်းသား/သူများ၏ ကျန်းမာရေးစစ်ဆေးခြင်းများပြုလုပ်ပြီး မိဘအုပ်ထိန်းသူများ၏ သဘောတူညီချက်များဖြင့် ကျောင်းသား(၁၀၀)ဦး ကျောင်းသူ(၈၈)ဦး စုစုပေါင်း(၁၈၈)ဦးအား ကိုဗစ်-၁၉ရောဂါ ကာကွယ်ဆေးထိုးနှံပေးခဲ့ကြောင်း သိရသည်။
သတင်း - ဇင်မာဖြိုး
မြန်မာနေရှင်နယ်ပို့စ်
No comments:
Post a Comment