MNP - ဇွန် ၂၈
ရှမ်းပြည်နယ်(မြောက်ပိုင်း)၊ တန့်ယန်းမြို့နယ်တွင် မိုင်းကျက်ဂူ၌ ၃ နှစ် ၃ လ ၃ ရက် ဂူအောင်းသည့် အဓိဌာန်အောင်မြင်ခြင်း အထိမ်းအမှတ်အဖြစ် မိုင်းကျက်ဂူတွင် စိုက်ထူလှူဒါန်းထားရှိမည့် အမြင့်ရှစ်ပေရှိ မိုင်းဖုန်းဆရာတော်ကြီး၏ ကြေးရုပ်ထုပုံတူတော်အား ကြိုဆိုပင့်ဆောင်ခြင်း အခမ်းအနား ကို ဇွန် ၂၇ ရက်နေ့ မွန်းလွဲပိုင်းက တပြည့်ဒါကာ၊ ဒါကာမများက ကြိုဆိုပင့်ဆောင်ကြသည်။
အဆိုပါ မိုင်းဖုန်းဆရာတော်ကြီး၏ ကြေးရုပ်ထုပုံတူအား ကြိုဆိုပင့်ဆောင်ခြင်းအခမ်းအနားကို တောင်တန်းသာသနာပြုဆရာတော် ဦးသုခမိန္ဒ (စဝ်ဆုခမ်း-တန့်ယန်း)၏ ကြီးကြပ်မှုဖြင့် ပင့်ဆောင်ခဲ့ကြရာ မြို့နယ်သံဃနာယကအဖွဲ့မှ ဆရာတော်ကြီးများနှင့် သံဃာတော်များ၊ နယ်မြေခံတပ်နယ်မှ စစ်ဗျူဟာမှူး ဗိုလ်မှူးကြီးကျော်သူဝင်းနှင့် အရာရှိကြီးများ၊ မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ မြို့နယ်အုပ်ချုပ်ရေးမှူး ဦးစိုးမင်းထက်နှင့် အဖွဲ့ဝင်များ၊ ဌာနဆိုင်ရာအကြီးအကဲများ၊ စေတနာရှင်များနှင့် တပြည့်ဒါကာ၊ ဒါကာမများ၊ ဒေသခံပြည်သူများက မြို့ဝင်မုခ်ဦးမှ မဟာမြတ်မုနိဘုရားကြီးကျောင်းတော်သို့ ကြိုဆိုပင့်ဆောင်ကြသည်။
မိုင်းကျက်ဂူ၌ ၃ နှစ် ၃ လ ၃ ရက် ဂူအောင်းသည့် အဓိဌာန်အောင်မြင်ခြင်းအထိမ်းအမှတ်အဖြစ် မိုင်းကျက်ဂူတွင် စိုက်ထူလှူဒါန်းထားရှိမည့် အမြင့်ရှစ်ပေရှိ မိုင်းဖုန်းဆရာတော်ကြီး၏ ကြေးရုပ်ထုပုံတူအား မန္တလေးမြို့မှ တန့်ယန်းမြို့သို့လည်းကောင်း၊ တန့်ယန်းမြို့မှ မိုင်းကျက်ဂူသို့လည်းကောင်း ပင့်ဆောင်မည်ဖြစ်ကြောင်း သိရသည်။
သတင်း - မင်းလွင်ဦး
မြန်မာနေရှင်နယ်ပို့စ်
No comments:
Post a Comment