MNP ၊ ဇွန် ၂၀
ရခိုင်ပြည်နယ် မောင်တောမြို့၌ ပတ်ဝန်းကျင်စိမ်းလန်းစိုပြည်ရေးအတွက် ခရိုင်/မြို့နယ် အထွေထွေအုပ်ချုပ်ရေး ဦးစီးဌာနမှ ဝန်ထမ်းများက ယနေ့ နံနက် ၈ နာရီ အချိန် ဝေသာလီကျေးရွာ၊ ဂေါက်ကွင်းအနီးရှိ အထွေထွေအုပ်ချုပ်ရေး ဦးစီးဌာန ဘက်စုံ ခြံတွင် စုပေါင်း သစ် ပင် စိုက်ပျိုးခဲ့ကြသည်။
အခမ်းအနားတွင် သစ်ပင်စိုက်ပျိုးရန်အတွက် ဒုတိယခရိုင်အုပ်ချုပ်ရေးမှူး ဦးနိုင်အေး ၊ မြို့နယ် အုပ်ချုပ်ရေးမှူး ဦးကံထွန်းအောင် တို့က ခရိုင်/မြို့နယ် အထွေထွေအုပ်ချုပ်ရေး ဦးစီးဌာနရှိ ဝန်ထမ်းများအား ပျိုးပင်များပေးအပ်ပြီး စုစု ပေါင်း အင်အား ၇၅ ဦးခန့်က ကျွန်း ၊ ပျဉ်းကတိုး ၊ မန်ဂျန်ရှား ၊ ယူကလစ် ၊ မဟော်ဂနီ ၊ ရခိုင်ငှက်ပျော်ပင် ၊ အရိပ် ရ လေ ကာပင်များ စုစုပေါင်း ၅၅၀ ပင်အား သတ် မှတ်နေရာ အသီးသီးတွင် စနစ်တကျ တပျော်တစ်ပါး စိုက်ပျိုး ခဲ့ကြသည်။ အ ဆိုပါ သစ်ပင်စိုက်ပျိုးပွဲအား သဘာဝ ပတ်ဝန်း ကျင် စိမ်းလန်း စိုပြေရေး ၊ ရာသီဉတု ကောင်းမွန်မျှစေရေး ၊ အရိပ် အာဝါသ နှင့် မျက်စိပဿဒ အကျိုးများရရှိစေရေး ၊ သစ်တော သစ်ပင် တန်ဖိုးများကို အများ ပြည်သူ အလေး ထားသိရှိစေရန် ရည်ရွယ်၍ ဆောင်ရွက်ရခြင်း ဖြစ်ကြောင်း သိရသည်။
သတင်း - သက်လွင်စိုး
https://t.me/MyanmarNationalPost
No comments:
Post a Comment