MNP ၊ ဇွန် ၄
ရခိုင်ပြည်နယ်၊ ရမ်းဗြဲမြို့၌ ကျောင်းနှင့်ကျောင်းပတ်ဝန်းကျင်သန့်ရှင်း သာယာလှပပြီး ကျောင်းဥပဓိရုပ်ကောင်းမွန်၍ ကျောင်းသား၊ ကျောင်းသူများကျန်းမာပျော်ရွှင်စွာပညာသင်ကြားနိုင်ရန်ရည်ရွယ်၍ မြို့နယ်စီမံအုပ်ရေးအဖွဲ့၏ စီစဉ်ဆောင်ရွက်မှုဖြင့်ယနေ့ နံနက် ၇ နာရီအချိန်က ရမ်းဗြဲမြို့၊ အမှတ်(၅)ရပ်ကွက်၊ လောင်းချောင်း၊အခြေခံပညာမူလတန်းကျောင်းတွင် စုပေါင်းသန့်ရှင်းရေးကိုဆောင်ရွက်ခဲ့ကြပါသည်။
ထိုသို့ဆောင်ရွက်ရာတွင် ရမ်းဗြဲမြို့နယ်စီမံအုပ်ချုပ်ရေးအဖွဲ့ဥက္ကဌနှင့်အဖွဲ့ဝင်များရဲတပ်ဖွဲ့ဝင်များ၊မီးသတ်တပ်ဖွဲ့ဝင်များ၊ဌာနဆိုင်ရာများ၊အထွေထွေအုပ်ချုပ်ရေးဦးစီးဌာနမှဝန်ထမ်းများ၊စည်ပင်သာယာရေးအဖွဲ့ဝင်များနှင့်တပ်မတော်သားများတို့မှ ပူးပေါင်းအင်အား(၉၀)ဦးဖြင့် ဆောင်ရွက်ခဲ့ကြပါသည်။
အဆိုပါပူးပေါင်းအဖွဲ့တို့သည် ကျောင်းဥပဓိရုပ်ကောင်းမွန်ပြီး သန့်ရှင်းသာယာလှစေရန်အတွက်ကျောင်းပတ်ဝန်းကျင်တွင်အမှိုက်များကောက်ပေးခြင်း၊ ပလပ်စတစ်စများကောက်ခြင်း၊ ခြင်များပေါက်ပွားမှုမရှိစေရေးနှင့် ခြင်များခိုအောင်းနေနိုင်သည့်ခြုံနွယ် မြက်များကို ခုတ်ထွင်ရှင်းလင်းပေးခြင်းတို့ကို ပူးပေါင်းဆောင်ရွက်ပေးခဲ့ကြကြောင်းသိရသည်။
သတင်း - အောင်နိုင်
https://t.me/MyanmarNationalPost
No comments:
Post a Comment