MNP ၊ ဇွန် ၁
သံတွဲခရိုင် အထွေထွေအုပ်ချုပ်ရေးဦးစီးဌာနမှကြီးမှူး၍ ပုလဲရတနာပရိယတ္ထိ စာသင်တိုက်သို့ ဆွမ်းဆန်တော်များဆက်ကပ်လှူဒါန်းခြင်းကို ယနေ့နံနက် ၉ နာရီက အဆိုပါဘုန်းတော်ကြီးကျောင်း၌ ကျင်းပပြုလုပ်သည်။
ရှေးဦးစွာ ခရိုင်အုပ်ချုပ်ရေးမှူးနှင့်ထွေ/အုပ်ဝန်ထမ်းများ ၊ လူမှုရေးအသင်းအဖွဲ့ဝင်များက ပုလဲရတနာ ပရိယတ္ထိ စာသင်တိုက် ဆရာတော်ထံမှ ငါးပါးသီလခံယူဆောက်တည်ကြသည်။ ထို့နောက် ခရိုင်အုပ်ချုပ်ရေးမှူးဦးမျိုးချစ်နှင့် တာဝန်ရှိသူများက ဆွမ်းဆန်တော် ၈ အိတ်နှင့်အလှူငွေများကို ဆက်ကပ်လှူဒါန်းကြပြီး အမျိုးသမီးရေးရာအဖွဲ့၊ မိခင်နှင့်ကလေးစောင့်ရှောက်ရေးအသင်းဝင်များက ပုလဲရတနာပရိယတ္ထိ စာသင်တိုက် ဘုန်းတော်ကြီးသင်ပညာရေးကျောင်းရှိ ကျောင်းသား၊ ကျောင်းသူများ အတွက် ကျောင်းသုံးဗလာစာအုပ်နှင့်စာရေးကရိယာများ၊ ပါးစပ်နှာခေါင်းစည်း၊ Hand Gel ပုလင်းများကိုလှူ ဒါန်းခဲ့ကြကြောင်း သိရှိရသည်။
https://t.me/MyanmarNationalPost
No comments:
Post a Comment