MNP ၊ ဇွန် ၂၅
တနင်္သာရီတိုင်းဒေသကြီး၊ ထားဝယ်မြို့၌ အပတ်စဉ်ပြည်သူ့အကျိုးပြုလုပ်ငန်းများဆောင်ရွက်လျက်ရှိရာ ယနေ့နံနက် ပိုင်း တွင် အမှတ်(၄)အခြေခံပညာအထက်တန်းကျောင်းဝင်းအတွင်း စုပေါင်းသန့်ရှင်းရေးလုပ်ငန်းများဆောင်ရွက်ခဲ့ ကြောင်း သိရသည်။
ထို့နောက် ကျောင်းဝင်းအတွင်း ရဲတပ်ဖွဲ့ဝင်များ၊ တပ်မတော်သားများ၊ တပ်ရင်းတပ်ဖွဲ့ဝင်များ၊ အထွေထွေအုပ်ချုပ်ရေး ဦးစီးဌာနဝန်ထမ်းများ၊ ဌာနဆိုင်ရာများ၊ စည်ပင်သာယာရေးအဖွဲ့၊ မီးသတ်တပ်ဖွဲ့၊ ပညာရေးဝန်ထမ်းများနှင့်ရပ်ကွက်/ ကျေးရွာအုပ်ချုပ်ရေးမှူးတို့က ကျောင်းဝင်းအတွင်း သန့်ရှင်းလှပစေရေးအတွက် အမှိုက်သရိုက်များ၊ သစ်ပင်ခြုံနွယ် များ၊ သစ်ပင်သစ်ကိုင်းများ ခုတ်ထစ်ရှင်းလင်းပေးခြင်း၊ ပေါင်းမြက်များအား မြက်ဖြတ်စက်ဖြင့် ရှင်းလင်းပေးခြင်း၊ ခြင်ခိုအောင်းနိုင်သောနေရာများအား ရှင်းလင်းပေးခြင်း၊ အမှိုက်ကား(၂)စီးဖြင့်အမှိုက်များကို သယ်ယူစွန့်ပစ်ပေးခြင်း စသည့် သန့်ရှင်းရေးလုပ်ငန်းများ ဆောင်ရွက်ပေးခဲ့ကြောင်းသတင်းရရှိသည်။
ထို့သို့ စုပေါင်းသန့်ရှင်းရေးလုပ်ငန်းများဆောင်ရွက်နေမှုကို ထားဝယ်တပ်နယ်တပ်ရင်းတပ်ဖွဲ့များမှ တပ်နယ်မှူး ဒုဗိုလ်မှူးသက်ပိုင်ဇော်၊ ဒုရဲမှူးကြီးတင်မင်းဦးနှင့်တာဝန်ရှိသူများက ကြည့်ရှုစစ်ဆေးခဲ့ကြောင်းသတင်းရရှိသည်။
သတင်း - ရွှေပင်လယ်(ထားဝယ်)
https://t.me/MyanmarNationalPost
No comments:
Post a Comment