MNP - ဇွန် ၈
ရန်ကုန်တိုင်းဒေသကြီး၊ ရန်ကုန်မြောက်ပိုင်းခရိုင်၊ လှည်းကူးမြို့နယ်တွင် မြို့နယ်သြဝါဒစရိယဆရာတော်ကြီးများ ကြီးကြပ်ကာ နိကာယ်ငါးရပ်စာမေးပွဲကို ယမန်နေ့မွန်းလွဲ(၁)နာရီတွင် လှည်းကူးမြို့စစ်ကိုင်းကျောင်းတိုက်အတွင်းရှိ သာသနာ့ဗိမာန်တော်ကြီးတွင် စတင်ဖြေဆိုကြောင်းသိရသည်။
လှည်းကူးမြို့နယ်အတွင်း နိကာယ်ငါးရပ်စာမေးပွဲဝင်ရောက်ဖြေဆိုမည့် သံဃာတော်၊ သီလရှင်စာရင်းရှိ(၁၃၄)ပါးရှိပြီး ပျက်ကွက်(၇၆)ပါး၊ ဝင်ရောက်ဖြေဆိုသည့်သံဃာပေါင်း(၅၈)ပါးတို့ ဝင်ရောက်ဖြေဆိုကြပြီး ယနေ့ ဇွန်လ(၇)ရက်နေ့မှ(၁၁)ရက်နေ့အထိ ငါးရက်ကြာစာမေးပွဲကျင်းပသွားမည်ဖြစ်ကြောင်း မြို့နယ်သာသနာရေးဦးစီးဌာနကသိရသည်။
အဆိုပါနိကာယ်ငါးရပ်စာမေးပွဲဖြေဆိုကြသည့် သံဃာတော်များ၊ သီလရှင်များအဆင်ပြေချောမွေ့စွာ ဖြေဆိုနိုင်ရေးနှင့် ဆွမ်း၊ ကွမ်း၊ ဝေယျာဝစ္စအဆင်ပြေစေရန်အတွက် မြို့နယ်စီမံအုပ်ချုပ်ရေးအဖွဲ့နှင့် သာသနာရေးဦးစီးဌာနတို့မှ စီစဉ်ဆောင်ရွက်ပေးလျက်ရှိကြောင်းသိရသည်။
သတင်း - အေးအေးနွဲ့
မြန်မာနေရှင်နယ်ပို့စ်
No comments:
Post a Comment