ပြည်ကြီးတံခွန်မြို့နယ် လူမှုဖူလုံရေးစီမံကိန်း၏ ကျန်းမာရေးစောင့်ရှောက်မှုအား အဆင့်မြှင့်တင်ပြောင်းလဲခြင်းနှင့်ပတ်သက်၍ ရှင်းလင်းဆွေးနွေး

MNP - ဇွန်  ၂၉

မန္တလေးတိုင်းဒေသကြီး ပြည်ကြီးတံခွန်မြို့နယ် လူမှုဖူလုံရေးစီမံကိန်း၏ ကျန်းမာရေးစောင့်ရှောက်မှုစနစ်အား ပုဂ္ဂလိကကဏ္ဍနှင့်ပူးပေါင်း၍ Provider Purchaser Split စနစ်သို့ အဆင့်မြှင့်တင်ပြောင်းလဲခြင်းနှင့်ပတ်သက်၍ ရှင်းလင်းဆွေးနွေးပွဲအခမ်းအနားကို ယနေ့နံနက် (၁၀)နာရီတွင် Holiday Pier Hotel ၌ ကျင်းပပြုလုပ်သည်။

အခမ်းအနားတွင် မန္တလေးတိုင်းဒေသကြီး လူမှုဖူလုံရေးအဖွဲ့ တိုင်းဒေသကြီးတာဝန်ခံအရာရှိ ဒုတိယညွှန်ကြားရေးမှူးဦးသန်းနိုင်ဦးက ၂၀၁၂ ခုနှစ် လူမှုဖူလုံရေးဥပဒေပါ စာချုပ်ဆေးရုံ၊ ဆေးခန်းများဖြင့် ဆေးကုသမှုဆောင်ရွက်ရေးနှင့်ပတ်သက်၍ ရှင်းလင်းဆွေးနွေးခြင်း၊ ဘေးမခအထွေထွေရောဂါကုဆေးခန်းမှ ဒေါက်တာစွမ်းထက်ယံက စမ်းသပ်အကောင်အထည်ဖော်ဆောင်ရွက်မည့် ကျန်းမာရေးစောင့်ရှောက်မှု အဆင့်မြှင့်တင်ခြင်း စီမံချက်အား ရှင်းလင်းဆွေးနွေးခြင်း၊ တက်ရောက်လာသူများမှ သိရှိလိုသည်များအား မေးမြန်းခဲ့ကြောင်း သိရသည်။

သတင်း - မြင့်မြင့်သန်း

မြန်မာနေရှင်နယ်ပို့စ်