MNP ၊ ဇွန် ၂
ရခိုင်ပြည်နယ် ၊ မြောက်ဦးခရိုင် ၊ မြေပုံမြို့၌ အခြေခံပညာကျောင်းများမှ အသက်(၅)နှစ်မှအသက် (၁၂)နှစ်အတွင်းရှိ ကျောင်းသား/ကျောင်းသူများအား ကိုဗစ်-၁၉ရောဂါကာကွယ်ဆေး(Sinopharm) ထိုးနှံပေးခြင်းကို ယနေ့ နံနက်(၁၀)နာရီအချိန်က အထက(သဲတန်း)နှင့်အမက(တရုတ်တန်း)ဆေးထိုးစုရပ် တွင် စတင်ထိုးနှံပေးလျက်ရှိကြောင်းသိရသည်။
ထိုသို့ကာကွယ်ဆေးထိုးနှံရာတွင် မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးခိုင်လင်းနိုင် လမ်းညွန်မှုဖြင့် မြို့နယ်ဆရာဝန်ကြီး ဒေါက်တာသန်းထွန်းဦးဆောင်ကာ မြို့နယ်ပညာရေးမှူးကြီးကြပ်မှုဖြင့် ပညာရေးဝန်ထမ်း များက ကျောင်းသား/သူများအား အမည်စာရင်းရေးသွင်းခြင်း ၊ ကျန်းမာရေး ဝန်ထမ်းများက ကာကွယ်ဆေးထိုးနှံရန်ရောက်ရှိလာသော ကျောင်းသား/ကျောင်းသူများအား ကိုယ်အပူချိန် တိုင်းတာခြင်း ၊ သွေးပေါင်ချိန်တိုင်းတာခြင်း ကျန်းမာရေးစစ်ဆေးခြင်းများဆောင်ရွက်ပေးလျက်ရှိပြီး ပုံမှန်အခြေအနေရှိမှသာ ကိုဗစ်-၁၉ရောဂါကာကွယ်ဆေး(Sinopharm)ကို ထိုးနှံပေးလျက်ရှိပြီး ကာကွယ်ဆေးထိုးနှံပြီးသူများကို မိနစ်(၃၀)ခန့် အနားယူစေပြီးမှပြန် လည် သွားခွင့်ပြုခဲ့ကြောင်းနှင့် ကာကွယ်ဆေးထိုးနှံရန်ရောက်ရှိလာသော ကျောင်းသား/ကျောင်းသူများအား လုံခြုံရေးတပ်ဖွဲ့ဝင်များ ၊ မီးသတ်တပ်ဖွဲ့ဝင်များ ၊ လူမှုရေးအသင်းအဖွဲ့များ က လိုအပ်သည်များကိုကူညီလုပ် ကိုင်ဆောင်ရွက်ပေးလျက်ရှိကြောင်းသိရသည်။
သတင်း - တင်ဝင်း
https://t.me/MyanmarNationalPost
No comments:
Post a Comment