MNP - ဇွန် ၈
ရှမ်းပြည်နယ်တောင်ပိုင်း၊ လွိုင်လင်ခရိုင်၊ မိုင်းကိုင်မြို့နယ်တွင် ၂၀၂၂-၂၀၂၃ ဘဏ္ဍာနှစ်၊ မြို့နယ်စည်ပင်သာယာဌာန၏ ရန်ပုံငွေဖြင့် မြို့တွင်းလမ်းဖြစ်သော ဝါဆိုကျောင်းလမ်း (မြေသားလမ်း)မှ (၃၃၅'×၁၂'×၉') ကတ္တရာလမ်းအဖြစ် အဆင့်မြင့်တင်ဖောက်လုပ်ခြင်းနှင့် အမှတ်(၄) ရပ်ကွက်၊ စဝ်ဖနောင်လမ်းထိပ်ရှိ တံတားတစ်စင်းအား (၂၈'×၃'×၃") သံကူကွန်ကရစ် တံတားအဖြစ် တည်ဆောက်ခြင်းလုပ်ငန်းများကို မြို့နယ်စည်ပင်သာယာဌာန၊ အမှုဆောင်အရာရှိ ဦးလှမျိုးသွင်၏ ကြီးကြပ်မှုဖြင့် ဌာနအင်ဂျင်နီယာနှင့် ဝန်ထမ်းများက မေလ ၇ ရက်နေ့မှ စတင်ဆောင်ရွက်ခဲ့ပြီး ယခုဇွန်လ ပထမပတ်တွင် လုပ်ငန်းများအားလုံး ရာခိုင်နှုန်းပြည့် ဆောင်ရွက်ပြီးစီးပြီဖြစ်သည်။
အဆိုပါ ဝါဆိုကျောင်း ကတ္တရာလမ်းနှင့် သံကူကွန်ကရစ်တံတား ဆောက်လုပ်ခြင်းလုပ်ငန်းများ ဆောင်ရွက်ပြီးစီးပြီးဖြစ်သည့်အတွက် မိုးရာသီကာလ လမ်းတလျှောက် ရေကြီးရေလျှံခြင်း၊ ရေဝပ်ခြင်း၊ သွားလာရန်ခက်ခဲခြင်း၊ ပွက်ထခြင်းများ မရှိတော့သဖြင့် ဒေသခံပြည်သူများနှင့် ကျောင်းသားကျောင်းသူများ အဆင်ပြေချောမွေ့စွာ ဖြတ်သန်းသွားလာ နိုင်ပြီဖြစ်ကြောင်း သိရသည်။
မြန်မာနေရှင်နယ်ပို့စ်
No comments:
Post a Comment