MNP - ဇွန် ၉
၂၀၂၂-၂၀၂၃ ပညာသင်နှစ်၊ မြို့နယ်အထွေထွေအုပ်ချုပ်ရေးဦးစီးဌာန ဝန်ထမ်းသားသမီးများနှင့် ကျောင်းဝတ်စုံလိုအပ်သည့် ကျောင်းသား/ကျောင်းသူများအား ကျောင်းဝတ်စုံနှင့် စာရေးကိရိယာများ ထောက်ပံ့ပေးအပ်ခြင်းကို ယမန်နေ့ညနေ ၄ နာရီက ပဲခူးတိုင်းဒေသကြီး၊ မိုးညိုမြို့၊ မြို့နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမတွင် ကျင်းပပြုလုပ်ခဲ့သည်။
အဆိုပါ ထောက်ပံ့ပေးအပ်ပွဲတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးမင်းသိဒ္ဓိက ကျောင်းဝတ်စုံနှင့် စာရေးကိရိယာများ ထောက်ပံ့ပေးအပ်ခြင်းနှင့်ပတ်သက်၍ အမှာစကား ပြောကြားပြီး မြို့နယ်ဥက္ကဋ္ဌနှင့် အထွေထွေအုပ်ချုပ်ရေးဦးစီးဌာနမှ တာဝန်ရှိသူများက ဝန်ထမ်းသားသမီး ကျောင်းသား/ ကျောင်းသူ(၃၅)ဦး၊ ကျောင်းဝတ်စုံလိုအပ်သည့် ကျောင်းသား/ ကျောင်းသူ(၂၇)ဦး၊ စုစုပေါင်း(၆၂)ဦးတို့အား တစ်ဦးလျှင် ကျောင်းဝတ်စုံ(၁)စုံ၊ ဗလာစာအုပ် (၆)အုပ်၊ ဘောပင် (၃)ချောင်း၊ ခဲတံ(၃)ချောင်း၊ ပေတံ(၁)ချောင်း၊ ခဲဖျက်(၂)ခုတို့ကို ကျောင်းသား/ကျောင်းသူများ လက်ဝယ်အရောက် ထောက်ပံ့ပေးအပ်ခဲ့ကြောင်း သိရသည်။
သတင်း - ကိုမင်း
မြန်မာနေရှင်နယ်ပို့စ်
No comments:
Post a Comment