MNP - ဇွန် ၂
သံတွဲခရိုင် အထွေထွေအုပ်ချုပ်ရေးဦးစီးဌာနမှ ကြီးမှူး၍ ပုလဲရတနာပရိယတ္ထိ စာသင်တိုက်သို့ ဆွမ်းဆန်တော်များ ဆက်ကပ်လှူဒါန်းခြင်းကို ယနေ့နံနက် ၉ နာရီက အဆိုပါဘုန်းတော်ကြီးကျောင်း၌ ကျင်းပပြုလုပ်သည်။
ရှေးဦးစွာ ခရိုင်အုပ်ချုပ်ရေးမှူးနှင့် အထွေထွေအုပ်ချုပ်ရေး ဦးစီးဌာနမှ၊ လူမှုရေး အသင်းအဖွဲ့ဝင်များက ပုလဲရတနာ ပရိယတ္ထိ စာသင်တိုက် ဆရာတော်ထံမှ ငါးပါးသီလ ခံယူဆောက်တည်ကြသည်။ ထို့နောက် ခရိုင်အုပ်ချုပ်ရေးမှူး ဦးမျိုးချစ်နှင့် တာဝန်ရှိသူများက ဆွမ်းဆန်တော် ၈ အိတ်နှင့် အလှူငွေများကို ဆက်ကပ် လှူဒါန်းကြပြီး အမျိုးသမီးရေးရာအဖွဲ့၊ မိခင်နှင့်ကလေးစောင့်ရှောက်ရေး အသင်းဝင်များက ပုလဲရတနာ ပရိယတ္ထိစာသင်တိုက် ဘုန်းတော်ကြီးသင် ပညာရေးကျောင်းရှိ ကျောင်းသား၊ ကျောင်းသူများ အတွက် ကျောင်းသုံးဗလာစာအုပ်နှင့် စာရေးကရိယာများ၊ ပါးစပ်နှာခေါင်းစည်း၊ Hand Gel ပုလင်းများကို လှူဒါန်းခဲ့ကြကြောင်း သိရသည်။
မြန်မာနေရှင်နယ်ပို့စ်
No comments:
Post a Comment