MNP - ဇွန် ၁၂
ရှမ်းပြည်နယ်တောင်ပိုင်း၊ လွိုင်လင်ခရိုင်၊ မိုင်းရှူးမြို့နယ်တွင် ၂၀၂၂-၂၀၂၃ ပညာသင်နှစ်အတွက် မြို့နယ်အထွေထွေအုပ်ချုပ်ရေးဦးစီးဌာနမှ ဝန်ထမ်းများ၏ သား၊သမီးများ ပညာသင်စရိတ်ထောက်ပံ့ပေးအပ်ပွဲ အခမ်းအနားကို ယမန်နေ့ နံနက် (၁၀)နာရီချိန်က မြို့နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ကျင်းပပြုလုပ်ခဲ့သည်။
ရှေးဦးစွာ မြို့နယ်အုပ်ချုပ်ရေးမှူး ဦးစိုးလင်းထိုက်က အဖွင့်အမှာစကားပြောကြားပြီး ဝန်ထမ်းများ၏ သား၊သမီးများကို အထက်တန်း(၂)ဦး၊ အလယ်တန်း(၄)ဦးနှင့် မူလတန်း(၁၄)ဦး စုစုပေါင်း(၂၀)ဦးတို့ကို မြို့နယ်အစီအစဉ်ဖြင့် ကျောပိုးအိတ်၊ ကျောင်းသုံးဗလာစာအုပ်၊ ထီး၊ Maskတစ်ဗူးနှင့် ပညာသင်ထောက်ပံ့ငွေများကို အသီးသီးထောက်ပံ့ပေးအပ်ခဲ့ကြောင်းသိရသည်။
အဆိုပါ အခမ်းအနားကို မိုင်းရှူးမြို့နယ် အထွေထွေအုပ်ချုပ်ရေးဦးစီးဌာနမှ ဝန်ထမ်းများနှင့် ဝန်ထမ်းမိသားစုဝင် (၄၇)ဦး တက်ရောက်ခဲ့ကြကြောင်း သိရသည်။
သတင်း - သန်းလူ
မြန်မာနေရှင်နယ်ပို့စ်
No comments:
Post a Comment