MNP ၊ ဇွန် ၃
၂၀၂၂-၂၀၂၃ ပညာသင်နှစ်အတွက် အခြေခံပညာကျောင်းများကို ဇွန်လ ၂ ရက်နေ့က စတင်ဖွင့်လှစ်ခဲ့ရာ မွန်ပြည်နယ် ပေါင်မြို့နယ် ကျောင်းသားကျောင်းသူများ အေးချမ်းပျော်ရွှင်စွာတက်ရောက်သင်ကြားခဲ့ကြကြောင်း သိရသည်။
ယခုပညာသင်နှစ်တွင် ပေါင်မြို့နယ်အတွင်းရှိ ကိုယ်ပိုင်ပညာရေးကျောင်း(၁)ကျောင်း၊ ဘုန်းတော်ကြီးသင်ပညာရေးကျောင်း(၁)ကျောင်းနှင့် အခြေခံပညာကျောင်းများမှ စုစုပေါင်းကျောင်းသားကျောင်းသူဦးရေ လေးသောင်းကျော်တက်ရောက်ခဲ့ကြကြောင်း မြို့နယ်ပညာရေးမှူးရုံးမှ သိရသည်။
ကျောင်းဖွင့်ချိန်တွင် ဆရာ/ဆရာမများနှင့် ကျောင်းသား/ကျောင်းသူများ စိတ်အေးချမ်းသာစွာ ပညာသင်ကြားနိုင်ရေးအတွက် မြို့နယ်စီမံ အုပ်ချုပ်ရေး အဖွဲ့ ဥက္ကဋ္ဌ ဦးသိုက်ထွန်းနှင့်အဖွဲ့ဝင်များ၊ အခြေခံပညာဦးစီးဌာနဝန်ထမ်းများ၊ မြန်မာနိုင်ငံရဲတပ်ဖွဲ့၊ မီးသတ်တပ်ဖွဲ့ဝင်များ၊ သက်ဆိုင်ရာကျောင်းအလိုက် ကျောင်းကော်မတီများနှင့် ကျောင်းလုံခြုံရေးအဖွဲ့များ ပူးပေါင်း၍ ကျောင်းပတ်ဝန်းကျင် လုံခြုံရေးကို ကြပ်မတ်ဆောင်ရွက်ပေးခဲ့ကြကြောင်း သိရသည်။
သတင်း - မွန်မလေး
https://t.me/MyanmarNationalPost
No comments:
Post a Comment