MNP - ဇွန် ၂၆
ဧရာဝတီတိုင်းဒေသကြီး၊ လပွတ္တာခရိုင်၊ လပွတ္တာမြို့နယ် စက်မှုလယ်ယာဦးစီးဌာန အမှတ် (၉၇) စက်မှုလယ်ယာစခန်းမှ မိုးစပါးကောက်စိုက်စက်ဖြင့် မိုးစပါးစိုက်ပျိုးခြင်း သရုပ်ပြခြင်းကို ကြာကန်အုပ်စုကွင်း သဲကုန်းအနောက် ဦးပိုင်အမှတ် (၁/၃)၊ အမှတ် (၆၉၅) ဦးမြင့်စိုး လယ်မြေဧက (၃၀.၀၀)၌ ယမန်နေ့နံနက် (၁၀) နာရီအချိန်က ကျင်းပပြုလုပ်ခဲ့ကြောင်း သိရသည်။
အဆိုပါ ကောက်စိုက်စက်ဖြင့် စိုက်ပျိုးခြင်း အကျိုးကျေးဇူများအနေနှင့် စက်ဖြင့်စိုက်ပျိုးထားသော စပါးခင်းအား စပါးရိတ်စက် ရိတ်သိမ်းခြွေလှေ့စက်များဖြင့် အလွယ်တကူရိတ်သိမ်း နိုင်ပါသည်။ ပျိုးပန်းဖြင့်ပျိုးထောင်ခြင်း၊ ကောက်စိုက်သမန်ပြုပြင်ခြင်း၊ တစ်ရက် ၈ နာရီ ပြီးစီးမှုနှုန်းဖြင့် (၄) ဧကမှ (၆) ဧကထိ စိုက်ပျိုးနိုင်ပြီး စိုက်တန်းအရေအတွက် ၆ တန်းသွား အကွာအဝေး (၁၂) လက်မ၊ ပင်ကြားအကွာအဝေး (၅. ၅) လက်မ စိုက်ပျိုးနိုင်ကြောင်းတို့အား ခရိုင် စက်မှုလယ်ယာဦးစီးမှူး ဦးမြင့်ဌေးရှင်းလင်း ပြောကြားခဲ့သည်။
ထို့နောက် ကောက်စိုက်စက်ဖြင့် စိုက်ပျိုးခြင်းသရုပ်ပြပွဲသို့ ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးဇော်မျိုးညွန့်၊ ဒုတိယမြို့နယ် အုပ်ချုပ်ရေးမှူးနှင့် ခရိုင်၊ မြို့နယ်အဆင့် ဌာနဆိုင်ရာများ၊ တောင်သူများ တတ်ရောက်ခဲ့ကြကြောင်း သိရသည်။
မြန်မာနေရှင်နယ်ပို့စ်
No comments:
Post a Comment