MNP - ဇွန် ၁၇
ရှမ်းပြည်နယ်(တောင်ပိုင်း)၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့နယ်တွင် ၂၀၂၂-၂၀၂၃ ပညာသင်နှစ် ၂၀၂၂-၂၀၂၃ ပညာသင်နှစ် ပအိုဝ်းကိုယ်ပိုင်အုပ်ချုပ်ခွင့်ရဒေသ စီမံအုပ်ချုပ်ရေးအဖွဲ့နှင့် ပအိုဝ်းကိုယ်ပိုင်အုပ်ချုပ်ခွင့်ရဒေသ အထွေထွေအုပ်ချုပ်ရေးဦးစီးမှူးရုံး ဝန်ထမ်းများ၏ ကျောင်းသား၊ ကျောင်းသူများအား ပညာသင်ထောက်ပံ့ကြေးပေးအပ်ခြင်းကို ယနေ့မွန်းလွဲ(၄)နာရီအချိန်က ပအိုဝ်း ကိုယ်ပိုင်အုပ်ချုပ်ခွင့်ရဒေသ အစည်းအဝေးခန်းမတွင် ကျင်းပပြုလုပ်သည်။
ပညာသင်ထောက်ပံ့ကြေးပေးအပ်ခြင်းအခမ်းအနားတွင် ပအိုဝ်းကိုယ်ပိုင်အုပ်ချုပ်ခွင့်ရဒေသ စီမံအုပ်ချုပ်ရေးအဖွဲ့အတွင်းရေးမှူး ဦးတင်ထူးမောင်က နိုင်ငံတော်နှင့် ပြည်သူတို့၏အနာဂတ်ဘဝ ဘက်စုံဖွံ့ဖြိုးတိုးတက်ရေးအတွက် ပညာရေးကဏ္ဍသည် အဓိကကျသောအရင်းအမြစ်ဖြစ်ကြောင်း၊ ကျောင်းနေအရွယ်ကလေးများစဉ်ဆက်မပြတ် ပညာသင်ယူနိုင်ရန် နိုင်ငံတော်ကအလေးထား ဆောင်ရွက်လျက်ရှိပါကြောင်း၊ ဝန်ထမ်းသားသမီးများ စိတ်အေးချမ်း ပျော်ရွှင်စွာပညာဆည်းပူးနိုင်ရန် ပညာသင်စရိတ်ထောက်ပံ့ပေးခြင်းဖြစ်ကြောင်း၊ ကျောင်းသား၊ ကျောင်းသူများအနေဖြင့် ကျောင်းစာများ ကြိုးစားသင်ယူကြရန်လိုအပ်ကြောင်းပြောကြားသည်။ ဆက်လက်၍ ပအိုဝ်းကိုယ်ပိုင်အုပ်ချုပ်ခွင့်ရဒေသ စီမံအုပ်ချုပ်ရေးအဖွဲ့ အတွင်းရေးမှူး ဦးတင်ထူးမောင်၊ ပအိုဝ်းကိုယ်ပိုင်အုပ်ချုပ်ခွင့်ရဒေသ စီမံအုပ်ချုပ် ရေးအဖွဲ့ အဖွဲ့ဝင် ဒုတိယဗိုလ်မှူးကြီး ညီညီတင်၊ ပအိုဝ်းကိုယ်ပိုင်အုပ်ချုပ်ခွင့်ရဒေသ စီမံအုပ်ချုပ်ရေး အဖွဲ့ အဖွဲ့ဝင် ဦးခွန်လှသိန်း၊ ပအိုဝ်းကိုယ်ပိုင်အုပ်ချုပ်ခွင့်ရဒေသ စီမံအုပ်ချုပ်ရေးအဖွဲ့ အဖွဲ့ဝင် ရဲမှူး ဝင်းနိုင်၊ ပအိုဝ်းကိုယ်ပိုင်အုပ်ချုပ်ခွင့်ရဒေသ စီမံအုပ်ချုပ်ရေးအဖွဲ့ အဖွဲ့ဝင် ဦးနေမျိုးလှိုင်၊ ပအိုဝ်းကိုယ်ပိုင် အုပ်ချုပ်ခွင့်ရဒေသ စီမံအုပ်ချုပ်ရေးအဖွဲ့ အထွေထွေအုပ်ချုပ်ရေးဦးစီးမှူးရုံး ဒုတိယညွှန်ကြားရေးမှူး ဒေါ်ဆွေဆွေဝင်းတို့က တက္ကသိုလ်ကျောင်းသား၊ ကျောင်းသူ(၁၃)ဦး၊ အထက်တန်း ကျောင်းသား၊ ကျောင်းသူ၂()ဦး၊ အလယ်တန်းကျောင်းသား၊ ကျောင်းသူ(၅)ဦး၊ မူလတန်း ကျောင်းသား၊ ကျောင်းသူ(၁၂)ဦး၊ မူကြိုကျောင်းသား၊ ကျောင်းသူ(၇)ဦးတို့အား ပညာသင်ထောက်ပံ့ကြေးများ အသီးသီးထောက်ပံ့ပေးအပ်ခဲ့ကြောင်း သိရသည်။
သတင်း - နေမင်းထွန်း
မြန်မာနေရှင်နယ်ပို့စ်
No comments:
Post a Comment