MNP - ဇွန် ၃
မန္တလေးတိုင်းဒေသကြီးညောင်ဦးမြို့နယ် သောက်သုံးရေလိုအပ်လျက်ရှိသော ရွာသစ်တောင်ကျေးရွာနှင့်ရွာဇီးအိုင်တဲတိုက်သို့ ဇွန် ၃ ရက် နံနက် ၉ နာရီအချိန်က သောက်သုံးရေဂါလံ (၃၂၀၀)သွားရောက်လှူဒါန်းခဲ့ကြောင်း အေးမေတ္တာသောက်ရေအလှူတော်အသင်း အကျိုးတော်ဆောင်များထံက သိရသည်။
ညောင်ဦးမြို့နယ်အတွင်း သောက်သုံးရေလိုအပ်လျက်ရှိသောကျေးရွာများ/တဲတိုက်များသို့ ရန်ကုန်မြို့ ဝေမျှခြင်းပရဟိတမိသားစုမှ သောက်သုံးရေလှူဒါန်းပေးလျက်ရှိရာ ရွာသစ်တောင်ကျေးရွာအတွက် သောက်သုံးရေဂါလံ(၁၆၀၀)နှင့်ဇီးအိုင်တဲတိုက်အတွက် သောက်သုံးရေဂါလံ(၁၆၀၀)လှူဒါန်းပေးနိုင်ခဲ့ရာဆောင်းဦးပေါက်ရာသီမှစတင်ပြီး သောက်သုံးရေလှူဒါန်းလာသည့် ရန်ကုန်မြို့ ဝေမျှခြင်းပရဟိတအသင်းအနေဖြင့်သောက်သုံးရေးလိုအပ်နေသောကျေးရွာများသို့ သောက်သုံးရေဂါလံ (၂၃၅၂၀၀) ဂါလံလှူဒါန်းပေးနိုင်ခဲ့ကြောင်း သောက်သုံးရေအကျိုးတော်ဆောင်များထံက သိရသည်။
သတင်း - ကိုကြေးမုံ
မြန်မာနေရှင်နယ်ပို့စ်
No comments:
Post a Comment