MNP - ဇွန် ၁၉
ဧရာဝတီတိုင်းဒေသကြီး၊ ပုသိမ်ခရိုင်၊ ဟိုင်းကြီးကျွန်းမြို့တွင် ယမန်နေ့နေ့လည်(၁)နာရီအချိန်က အ.ထ.က ဟိုင်းကြီး အခြေခံပညာအထက်တန်းကျောင်းသို့ ပမ္မဝတီရေတပ်စခန်းဌာနချုပ်၊ ဌာနချုပ်မှူး ဗိုလ်မှူးချုပ်တင်မောင်သန်းနှင့်တာဝန်ရှိသူများ သွားရောက်ပြီး ဆရာ/ဆရာမများ၊ကျောင်းသား/ ကျောင်းသူများနှင့်တွေ့ဆုံကာ စားသောက်ကုန်ပစ္စည်းများ ထောက်ပံ့ပေးအပ်ခဲ့ကြောင်း သိရသည်။
ပမ္မဝတီရေတပ်စခန်းဌာနချုပ်၊ ဌာနချုပ်မှူး ဗိုလ်မှူးချုပ်တင်မောင်သန်းနှင့်တာဝန်ရှိသူများသည် အခြေခံပညာအထက်တန်းကျောင်း အ.ထ.က ဟိုင်းကြီးမှ ကျောင်းအုပ်ဆရာကြီးနှင့် ဆရာ/ဆရာမများအား တွေ့ဆုံကာ ပမ္မဝတီရေတပ်စခန်းဌာနချုပ်၏ သားသမီးများအား တက္ကသိုလ်ဝင်တန်းစာမေးပွဲ ထူးထူးချွန်ချွန်အောင်မြင်အောင် သင်ကြားပေးခဲ့သည့်အတွက် ကျေးဇူးတင်စကားများပြောကြားပြီး ကြက်ဥများ၊အသီးအရွက်များနှင့် စားသောက်ကုန်ပစ္စည်းများအား ထောက်ပံ့ပေးအပ်ခဲ့ကြောင်း သိရသည်။
ထို့နောက် ပမ္မဝတီရေတပ်စခန်းဌာနချုပ် ဌာနချုပ်မှူး ဗိုလ်မှူးချုပ်တင်မောင်သန်းနှင့် တာဝန်ရှိသူများသည် ကျောင်းသား/ကျောင်းသူများနှင့်တွေ့ဆုံကာ ဆုံးမစကားများပြောကြားပြီး သွေးလွန်တုပ်ကွေးရောဂါနှင့်ပတ်သက်သော ကျန်းမာရေးအသိပညာဗဟုသုတများအား ဟောပြောခဲ့ကြောင်း သိရသည်။
သတင်း - လှိုင်မျိုးအောင်
မြန်မာနေရှင်နယ်ပို့စ်
No comments:
Post a Comment