MNP - ဇွန် ၉
မန္တလေးခရိုင်၊ ပြည်ကြီးတံခွန်မြို့နယ်အတွင်းရှိ အခြေခံပညာကျောင်းများတွင် အသက်(၅)နှစ်မှ (၁၂) နှစ်အထိ ကျောင်းသား၊ ကျောင်းသူများအား ယနေ့နံနက် ၉ နာရီခွဲအချိန်မှ စတင်၍ အခြေခံပညာကျောင်းများတွင် ပထမအကြိမ် ကိုဗစ်-၁၉ ရောဂါကာကွယ်ဆေးကို ကျန်းမာရေးဝန်ထမ်းများက ကွင်းဆင်းထိုးနှံပေးလျက် ရှိကြောင်း သိရသည်။
ထိုသို့ ကွင်းဆင်းထိုးနှံပေးလျက်ရှိရာ ပြည်ကြီးတံခွန်မြို့နယ်၊ သင်ပန်းကုန်းရပ်ကွက်ရှိ အမှတ် (၂၀) အခြေခံပညာအထက်တန်းကျောင်းခွဲ၌ အသက် (၅)နှစ်မှ (၁၂)နှစ်အထိ ကျောင်းသား၊ ကျောင်းသူ (၃၂၈) ဦးအား ကျန်းမာရေးဝန်ထမ်းများနှင့် ရပ်ကွက်အထောက်အကူပြုအဖွဲ့များက ကိုယ်အပူချိန်တိုင်းပေးခြင်း၊ သွေးပေါင်ချိန် ခြင်းများဆောင်ရွက်ပေးပြီး ကိုဗစ်-၁၉ ရောဂါ ကာကွယ်ဆေးများ ထိုးနှံပေးခဲ့သည်။
အလားတူ သင်ပန်းကုန်းရပ်ကွက်ရှိ အမှတ် (၂၄) အခြေခံပညာအထက်တန်း ကျောင်းခွဲနှင့် (ဂ) ရပ်ကွက်ရှိ အမှတ် (၂၉) အခြေခံပညာ အထက်တန်းကျောင်းခွဲတို့တွင်လည်း အသက်(၅)နှစ်မှ (၁၂) နှစ်အထိ ကျောင်းသား၊ ကျောင်းသူများအား ကိုဗစ်-၁၉ ရောဂါကာကွယ်ဆေးများ ထိုးနှံပေးလျက်ရှိကြောင်း သိရသည်။
မြန်မာနေရှင်နယ်ပို့စ်
No comments:
Post a Comment