MNP ၊ ဇွန် ၂
ရခိုင်ပြည်နယ်၊ ကျောက်ဖြူခရိုင်၊ အမ်းမြို့နယ်၌၂၀၂၂- ၂၀၂၃ ပညာသင်နှစ် အခြေခံပညာကျောင်း များကို ဇွန်လ(၂)ရက်နံနက်(၉)အချိန်မှစတင်ဖွင့်လှစ် ပညာ သင်ကြားလျက်ရှိကြောင်းသိရှိရသည်။
အမ်းမြို့နယ်တွင် အခြေခံပညာအထက် တန်းကျောင်း(၁၁) ကျောင်း၊ အထက်တန်း ကျောင်း(ခွဲ)(၁၁)ကျောင်း၊ အလယ်တန်းကျောင်း (၂၇)ကျောင်း၊ အလယ်တန်းကျောင်း (ခွဲ)(၂၈) ကျောင်း၊ မူလတန်းလွန်ကျောင်း(၃၅)ကျောင်း၊ အမက(၆၅)ကျောင်း ၊ အမက(ခွဲ)(၄၀) ကျောင်းနှင့် ဘုန်းတော်ကြီးသင်ကျောင်း(၃)ကျောင်း၊ ကိုယ်ပိုင်အထက်တန်း ကျောင်း(၂)ကျောင်း စုစု ပေါင်း(၂၂၃) ကျောင်းရှိရာ ကျောင်းသားကျောင်း သူများ အေးချမ်းပျော်ရွှင်စွာပညာသင်ကြားနိုင်ရေးအတွက် ကိုဗစ်-၁၉ ရောဂါ စည်းကမ်းချက်များနှင့်အညီ ကျောင်းသို့ မဝင်ရောက်မှီ ကျောင်းအကျိုးတော် ဆောင်များနှင့် ဆရာဆရာမများက ကိုယ်အပူချိန်တိုင်းတာ ခြင်း၊ Mask များဖြန့်ဝေပေးခြင်းကို ကူညီဆောင်ရွက်ပေးလျက်ရှိသည်။ ကျောင်းများတွင်လက်ဆေးဘေ စင်များစနစ်တကျတပ်ဆင်ထားခြင်း၊ စာသင်ခန်းများ စနစ်တကျထားရှိခြင်း၊ ကျောင်းဥပဓိ ရုပ်ကောင်းမွန်ရေး ကြိုတင်ဆောင်ရွက်ထားရှိကြောင်း သိရှိရသည်။
ဆက်လက်ပြီး ကျောင်းအပ်နှံရန်ကျန်ရှိသူများအား ကျောင်းအပ်လက်ခံ ခြင်းလုပ်ငန်းများကို ဆောင်ရွက်ပေးလျက်ရှိကြာင်း သိရသည်။
သတင်း - စိုးမင်းထွန်း
https://t.me/MyanmarNationalPost
No comments:
Post a Comment