MNP ၊ ဇွန် ၁၅
ရခိုင်ပြည်နယ်၊ မောင်တောခရိုင်၊ မောင်တောမြို့၌ အခြေခံပညာကျောင်းများရှိ အသက်(၅)နှစ် နှင့် (၁၂)ကြားရှိ ကျောင်းသား/သူ များ အား (ပထမ)အကြိမ်အဖြစ် ကိုဗစ်-၁၉ ကာကွယ်ဆေးထိုးနှံပေးခြင်းကို ယနေ့ နံနက်ပိုင်းက သတ် မှတ် ကျောင်း စုရပ်နေရာ များတွင် ဆက်လက် ထိုးနှံ ပေးခဲ့ကြသည်။
ထိုသို့ ဆောင်ရွက်ပေးရာတွင် ကာကွယ်ဆေး ထိုးနှံခြင်းမပြုမီ ဆရာ၊ဆရာမများမှ စာရင်းများ မှတ်ယူခြင်း ၊ ကျောင်းသား မိဘများထံမှ ခွင့်ပြုချက်ရယူခြင်း ၊ ကျန်းမာရေး ဝန်ထမ်း များက လာရောက် ထိုးနှံသည့် အခြေခံ ပညာ ကျောင်းများရှိ အ သက်(၅)နှစ် နှင့် (၁၂)ကြားရှိ ကျောင်းသား/သူ များ အား ကိုယ် အပူချိန် တိုင်းတာခြင်း၊ သွေးပေါင်ချိန် တိုင်းတာ ပေးခြင်း၊ ကျန်းမာရေး စစ်ဆေး ခြင်းများကို ဆောင်ရွက်ပေးကာ ပုံမှန် အခြေအနေရှိမှသာ စနစ်တကျ ကာ ကွယ်ဆေး ထိုးနှံပေးပြီး ထိုးနှံပြီး သည့် ကျောင်းသား/သူများကို မိနစ် ၃၀ ခန့် အနားယူစေကာ ကာကွယ် ဆေးထိုး နှံ နေမှုများအား ဌာနဆိုင်ရာများ၊ ဆရာ/မ များ ၊ ရပ်ကွက် ကျေးရွာ အုပ်ချုပ် ရေး မှူး များ နှင့် တာဝန်ရှိသူများက ကူညီ ဆောင်ရွက်ပေး လျှက်ရှိသည်။
မောင်တောမြို့နယ်အတွင်းရှိ ကိုဗစ်-၁၉ ကာကွယ်ဆေးထိုးနှံပေးရမည့် အခြေခံပညာကျောင်းများဖြစ်သော ကျောက်လှေကား(မူလွန်)ကျောင်း ၊ တမန်းသား(နတလ) အမကခွဲကျောင်း ၊ တရိန်းမြို(အမက)ကျောင်း ၊ ရန်ခါလီ (အမက) ကျောင်း ၊ စံပြကညင်တန်း(မူလွန်)ကျောင်းများရှိ အသက်(၅)နှစ် နှင့် (၁၂) ကြားရှိ ကျောင်းသား/သူ များ အား ယနေ့ နံနက်ပိုင်း က ကျောင်းသား/သူ ၁၀၉၂ ဦးအား ဆက်လက် ထိုးနှံပေးခဲ့ပြီး ဇွန်လ ၂ ရက်နေ့မှ ၁၅ ရက်နေ့ထိ အခြေခံပညာ ကျောင်းများရှိ ကျောင်းသား/သူ ၁၃၈၄၃ ဦးအား ကျန်းမာ ရေး ဝန်ကြီး ဌာန ၏ လမ်းညွှန် ချက်များ နှင့် အညီ ထိုးနှံပေး ပြီးဖြစ်ရာ ကျန်ရှိသူ ကျောင်းသား/သူများအား ဆက်လက် ထိုးနှံပေးမည် ဖြစ် ကြောင်း သိရသည်။
သတင်း - အောင်ကျော်စိန်၊ သက်လွင်စိုး
https://t.me/MyanmarNationalPost
No comments:
Post a Comment