MNP ၊ ဇွန် ၃
မွန်ပြည်နယ်၊ပေါင်မြို့နယ်၌ ဘက်စုံအဆင့်မြင့်နည်းပညာသုံး စံပြကျေးရွာ (၃၀၀)ဧက မျိုးသန့် စပါးတင်း (၃၀၀) ထောက်ပံ့ပေးအပ်ပွဲအခမ်းအနားကို ယနေ့နံနက်က ရွာတန်းရှည်ကျေးရွာ ကွင်းအမှတ် (၇၆၂) တောင်သူ ဦးလွင်အေး၏ လယ်မြေ၌ထောက်ပံ့ပေးအပ်ခဲ့ကြသည်။
အခမ်းအနားတွင်မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးသိုက်ထွန်းက ယခုထောက်ပံ့ပေးအပ်ခဲ့သည့်မျိုးစပါးများကို တောင်သူများအနေဖြင့် လျာထားချက်အတိုင်း စပါးအထွက်နှုန်းတိုးတက်အောင် စိုက်ပျိုးကြရန်နှင့် လိုအပ်သောနည်းပညာများကို စိုက်ပျိုးရေးဦးစီးဌာန တွင်မေးမြန်းဆက်သွယ်ကြရန်အမှာစကားပြောကြားသည်။
စိုက်ပျိုးရေးဦးစီးဌာနမှခရိုင် ဦးစီးမှုး ဒေါ်သင်းသင်းဆင့် က ယခင်နှစ်ကထက် ယခုနှစ်က စပါးအထွက်နှုန်းပိုမိုတိုးတက်အောင် စိုက်ပျိုး ကြဖို့လိုအပ်ပါကြောင်း၊စပါးစိုက်ပျိုးရေး အတွက်လိုအပ်သော ဓာတ်မြေဩဇာများအားစိုက်ပျိုးရေး ဦးစီးဌာနနှင့် ဆက်သွယ်မေးမြန်းနိုင်ပါကြောင်း ပြောကြားခဲ့သည်။
အခမ်းအနားသို့ ပေါင်မြို့နယ်အတွင်းရှိ ဌာနဆိုင်ရာများ ၊စိုက်ပျိုးရေးဝန်ထမ်းများ တောင်သူများတက်ရောက်ခဲ့ကြောင်း သိရသည်။
သတင်း - မွန်မလေး
https://t.me/MyanmarNationalPost
No comments:
Post a Comment